ڊي سي شھيد بينظيرآباد عبدالصمد نظاماڻي جي صدارت ھيٺ اجلاس

نوابشاهه (ھه آ) ڊپٽي ڪمشنر شھيد بينظيرآباد عبدالصمد نظاماڻي جي صدارت ھيٺ سنڌو درياهه ۾ پاڻي ۾ اضافي جي پيش نظر ريسڪيو ۽ ريليف جي حوالي سان ھڪ اجلاس سندس آفيس ۾ ٿي گذريو اجلاس ۾ پاڪ فوج جي ڪرنل ياسر سھيل، ڊسٽرڪٽ ھيلٿ آفيسر ڊاڪٽر اسدالله ڏاھري، ڊپٽي ڊائريڪٽر لائيو اسٽاڪ اعجاز لغاري، انچارج ريسڪيو 1122 انجنئير عبدالمنان، ايڪسين داد ڊويزن تيمور کيڙو، اسسٽنٽ ڪمشنر نوابشاهه اقبال احمد تنيو ۽ ٻين لاڳاپيل عملدارن شرڪت ڪئي ان موقعي تي ڊپٽي ڪمشنر عبدالصمد نظاماڻي چيو ته سنڌو درياهه ۾ ٻوڏ واري صورتحال کي نظر ۾ رکندي ضلع انتظاميه پاران ڪچي ۾ رھندڙ ماڻھن کي پڪي تي منتقل ڪرڻ لاءَ ھر ممڪن قدم کڻي رھي آھي ڊپٽي ڪمشنر صحت ۽ لائيو اسٽاڪ کاتي جي عملدارن کي هدايت ڪئي تہ ٻوڏ واري صورتحال کي نظر ۾ رکندي ماڻھن ۽ جانورن لاءِ ميڊيڪل ڪيمپون قائم ڪيون وڃن تہ جئين ماڻھن ۽ جانورن کي بيمارين کان محفوظ بڻائي سگهجي ڊپٽي ڪمشنر ايڪسين داد ڊويزن کي ھدايت ڪئي تہ شھيد بينظيرآباد جي حدن مان گذرندڙ سنڌو درياهه جي حفاظتي بندن جي نگراني کي يقيني بڻايو وڃي ڪنھن بہ ايمرجنسي جي صورت ۾ فوري طور تي ضلع ۽ تعلقي انتظاميه کي اطلاع ڏنو وڃي ڊپٽي ڪمشنر ريسڪيو جي عملدارن کي هدايت ڪئي تہ ھو ڪنھن بہ ايمرجنسي کي منھن ڏيڻ لاءِ الرٽ رھن. ان موقعي تي اجلاس کي خطاب ڪندي پاڪ فوج جي ڪرنل ياسر سھيل چيو ته مٿين علائقن ۾ برساتن سبب سنڌو درياهه ۾ ٻوڏ واري صورتحال آھي جنھن کي نظر ۾ رکندي پاڪ فوج الرٽ آھي ھن وڌيڪ چيو ته پاڪ فوج ضلع انتظاميه سان ويجھي رابطي ۾ آھي ڪنھن بہ قسم جي ايمرجنسي کي منھن ڏيڻ لاءِ پلان جوڙيو ويو آهي ان موقعي تي ڊپٽي ڪمشنر ڪچي ۾ رھندڙ ماڻھن کي اپيل ڪئي تہ سنڌو درياهه ۾ پاڻي ۾ اضافو ٿي رھيو آھي جنھن کي نظر ۾رکندي فوري طور تي ريليف ڪئمپن ۾ منتقل ٿين. اجلاس کي آگاهي ڏيندي ايڪسين داد ڊويزن تيمور کيڙو ٻڌايو ته ھن وقت ضلع شھيد بينظيرآباد جي حدن ۾ سنڌو درياهه مان 4 لک ڪيوسڪ پاڻي گذري رھيو آھي جڏھن ته بندن جي نگراني لاءِ عملي جي مقرري ۽ مشينري جي موجودگي کي يقيني بڻايو ويو آهي.