تازين برساتن ملير جي سامونڊي پٽي تي آباد مهاڻن جا سور ٻيڻا ڪري ڇڏيا

يوسي چشمہ ۽ ريڙھي ڳوٺ جي جت پاڙي سميت ڪيترن ئي ڳوٺن ۾ ٽن ڏينهن کان برسات جو پاڻي گهرن اندر بيٺل

ملير (رپورٽ: عبدالرشيد مورجھريو) تازين برساتن ملير جي سامونڊي پٽي تي آباد مهاڻن جا سور ٻيڻا ڪري ڇڏيا آهن يوسي چشمہ ۽ ريڙھي ڳوٺ جي جت پاڙي سميت ڪيترن ئي ڳوٺن ۾ ٽن ڏينهن کان برسات جو پاڻي گهرن اندر بيٺل آهي جنهن سبب رهواسين جي زندگي عذاب بڻجي وئي آهي رهواسي مهاڻن جو چوڻ آهي ته نه پيئڻ لاءِ صاف پاڻي آهي نه ئي بنيادي سهولتون، جڏهن ته پاڻي بيهجي وڃڻ سبب بيمارين پکڙڻ جا خطرا به وڌي ويا آهن سندن چوڻ هو ته چونڊن وقت ته چيئرمين، وائس چيئرمين ۽ صوبائي اميدوار ووٽ وٺڻ لاءِ گهرن تائين پهچن ٿا پر جڏهن اسان ٻڏي وڃون ٿا تڏهن ڪو به حال پڇڻ وارو ناهي.ڳوٺاڻن ابن جت، حسين جت، لالو جت ۽ ٻين صحافين کي ٻڌايو ته ڏکئي وقت ۾ سماجي اڳواڻ محمد بخش جت متاثر خاندانن تائين پهتو ۽ کين کاڌ خوراڪ پهچائي آھي محمد بخش جت جو چوڻ هو ته هي غريب ماڻهو هر سال برسات ۾ ٻڏن ٿا، پر حڪومت ۽ چونڊيل نمائندا رڳو تماشو ڏسن ٿا. حڪومت کي گهرجي ته برسات کان اڳ نيڪال جا بندوبست ڪري، پاڻي ڪڍڻ لاءِ مشينون لڳائي ۽ متاثرن کي راشن فراهم ڪري هن وڌيڪ چيو ته هي ماڻهو شهر کي مڇي ڏئي کارائين ٿا، پر جڏهن پاڻ مصيبت ۾ هجن ٿا ته حڪومت ۽ نمائندا کين وساري ڇڏين ٿا. سماجي اڳواڻ موجب، علائقي جا رضاڪار پنهنجي وس آهر مدد پيا ڪن، پر اصل ذميواري وڏو وزير، ضلعي انتظاميا ۽ چونڊيل نمائندن تي آهي ڳوٺاڻن مطالبو ڪيو آهي ته وڏو وزير ۽ لاڳاپيل اختيارين کي فوري نوٽيس وٺڻ گهرجي، ٻي صورت ۾ هو سخت احتجاج ڪرڻ تي مجبور ٿيندا يوسي چشمہ ۽ ريڙھي ڳوٺ جي جت پاڙي سميت ڪيترن ئي ڳوٺن ۾ ٽن ڏينهن کان برسات جو پاڻي گهرن اندر بيٺل برسات جو پاڻي گهرن ۾ بيٺل آهي جنهن ڪري عذاب ۾ مبتلا آهيون، پيئڻ جي لاءِ صاف پاڻي ناهي: مهاڻا ملير (رپورٽ: عبدالرشيد مورجھريو) تازين برساتن ملير جي سامونڊي پٽي تي آباد مهاڻن جا سور ٻيڻا ڪري ڇڏيا آهن يوسي چشمہ ۽ ريڙھي ڳوٺ جي جت پاڙي سميت ڪيترن ئي ڳوٺن ۾ ٽن ڏينهن کان برسات جو پاڻي گهرن اندر بيٺل آهي جنهن سبب رهواسين جي زندگي عذاب بڻجي وئي آهي رهواسي مهاڻن جو چوڻ آهي ته نه پيئڻ لاءِ صاف پاڻي آهي نه ئي بنيادي سهولتون، جڏهن ته پاڻي بيهجي وڃڻ سبب بيمارين پکڙڻ جا خطرا به وڌي ويا آهن سندن چوڻ هو ته چونڊن وقت ته چيئرمين، وائس چيئرمين ۽ صوبائي اميدوار ووٽ وٺڻ لاءِ گهرن تائين پهچن ٿا پر جڏهن اسان ٻڏي وڃون ٿا تڏهن ڪو به حال پڇڻ وارو ناهي.ڳوٺاڻن ابن جت، حسين جت، لالو جت ۽ ٻين صحافين کي ٻڌايو ته ڏکئي وقت ۾ سماجي اڳواڻ محمد بخش جت متاثر خاندانن تائين پهتو ۽ کين کاڌ خوراڪ پهچائي آھي محمد بخش جت جو چوڻ هو ته هي غريب ماڻهو هر سال برسات ۾ ٻڏن ٿا، پر حڪومت ۽ چونڊيل نمائندا رڳو تماشو ڏسن ٿا. حڪومت کي گهرجي ته برسات کان اڳ نيڪال جا بندوبست ڪري، پاڻي ڪڍڻ لاءِ مشينون لڳائي ۽ متاثرن کي راشن فراهم ڪري هن وڌيڪ چيو ته هي ماڻهو شهر کي مڇي ڏئي کارائين ٿا، پر جڏهن پاڻ مصيبت ۾ هجن ٿا ته حڪومت ۽ نمائندا کين وساري ڇڏين ٿا. سماجي اڳواڻ موجب، علائقي جا رضاڪار پنهنجي وس آهر مدد پيا ڪن، پر اصل ذميواري وڏو وزير، ضلعي انتظاميا ۽ چونڊيل نمائندن تي آهي ڳوٺاڻن مطالبو ڪيو آهي ته وڏو وزير ۽ لاڳاپيل اختيارين کي فوري نوٽيس وٺڻ گهرجي، ٻي صورت ۾ هو سخت احتجاج ڪرڻ تي مجبور ٿيندا