ملير: ريڙهي ڳوٺ ۾ معصوم ٻارڙو کليل گٽر ۾ ڪِري پيو

نينگر جي رڙين تي پاڙيوارن پهچي کيس ٻاهر ڪڍي حياتي بچائي ورتي

ملير (رپورٽ: عبدالرشيد مورجھريو) ريڙهي ڳوٺ ڀرسان صديق خاصخيلي ڳوٺ ۾ هڪ وڌيڪ ٻارڙو کليل گٽر ۾ ڪري پيو ان سلسلي معلوم ٿيو آهي ته شهزاد ولد شاهنواز سوڍر کيڏندي اوچتو گهر ڀرسان کليل گٽر ۾ ڪري پيو جنهن کي رڙين تي پاڙي وارن بچائي ورتو علائقي واسين موجب اهو پهريون حادثو ناهي، ان کان اڳ ميمڻ ڳوٺ، گهگهر سميت ڪيترن ئي علائقن ۾ معصوم ٻارڙا کليل گٽرن ۾ ڪري فوت ٿي چڪا آهن، پر انتظاميا جي لاپرواهي سبب هن سنجيده مسئلي جو ڪو به مستقل حل نه نڪتو آهي ابراهيم حيدري ٽائون ميونسپل ڪارپوريشن جي يوسي ريڙهي ۾ ڪيترائي گٽر بنا ڍڪڻ جي کليل پيل آهن، جيڪي علائقي واسين لاءِ موت جا کوهه بڻيل آهن۔ رهواسين جو چوڻ آهي ته اربين روپين جو بجيٽ هئڻ باوجود انتظاميا کليل گٽرن تي ڍڪ رکڻ ۾ ناڪام رهي آهي، جنهن ڪري هر وقت وڏو حادثو ٿيڻ جو خطرو رهندو آهي علائقي جي ماڻهن مطالبو ڪيو آهي ته فوري طور تي کليل گٽرن تي مضبوط ڍڪ رکيا وڃن ۽ ذميوار عملدارن خلاف سخت ڪارروائي ڪئي وڃي، جيئن معصوم ٻارن سميت قيميتي انساني زندگيون بچائي سگهجن