بن قاسم پوليس جي ڪارروائي، اسٽيل ملز مان سامان چوري جي الزام هيٺ 5 ڄڻا گرفتار

13 views | 17th Aug 2025 • سنڌي خبرون

ڇاپي دوران 5جوابدارن کي گرفتار ڪيو، جيڪي گاڏي ذريعي سامان چوري ڪري فرار ٿي رهيا هئا: پوليس

بن قاسم پوليس جي ڪارروائي، اسٽيل ملز مان سامان چوري جي الزام هيٺ 5 ڄڻا گرفتار

ملير (رپورٽ: عبدالرشيد مورجھريو) ملير ضلعي جي علائقي بن قاسم ۾ پوليس ڳجهي اطلاع تي ڪارروائي ڪندي اسٽيل ملز مان قيمتي سامان چوري ڪرڻ جي ڪوشش ناڪام بڻائي ڇڏي۔ پوليس مطابق ڇاپي دوران پنج جوابدارن کي گرفتار ڪيو ويو، جيڪي گاڏي ذريعي سامان چوري ڪري فرار ٿيڻ جي ڪوشش ڪري رهيا هئا۔گرفتار ٿيل جوابدارن جي سڃاڻپ شاهد، عرس، علي، سنگهار ۽ سڪندر طور ڪئي وئي آهي۔ پوليس جوابدارن جي قبضي مان وڏي مقدار ۾ چوري ٿيل سامان هٿ ڪري ورتو، جڏهن ته واردات ۾ استعمال ٿيندڙ هڪ گاڏي ۽ موٽر سائيڪل به تحويل ۾ وٺي وئي آهي شروعاتي جاچ ۾ معلوم ٿيو آهي ته گرفتار جوابدار صنعتي علائقن ۾ چوري جون ڪيترائي وارداتون ڪري چڪا آهن۔ پوليس موجب جوابدارن خلاف مقدمو داخل ڪري وڌيڪ قانوني ڪارروائي شروع ڪئي وئي آهي۔