ملير: ابراهيم حيدري ٽائون پاران جشن آزادي جي حوالي سان سمنڊ اندر ٻيڙين جي ريلي ڪڍي وئي، ٽائون چيئرمين نظير احمد ڀٽو ۽ ٻيا شريڪ

ملير(رپورٽ: عبدالرشيد مورجھريو) ابراهيم حيدري ٽائون پاران جشن آزادي جي حوالي سان ريڙهي ڳوٺ کان فش هاربر ڪورنگي تائين ٽائون چيئرمين نظير احمد ڀٽو جي اڳواڻي ۾ سمنڊ اندر ٻيڙين جي ريلي ڪڊي ويئي۔ جنهن ۾ عورتن ٻارن ۽ مهاڻن وڏي تعداد ۾ شرڪت ڪري پاڪستان زنده باد جا نعرا هنيا ۔ ريلي ۾ سوين ٽائون آفيسرن سياسي ۽ سما جي اڳواڻن سميت شهرين پڻ وڏي انگ ۾ شرڪت ڪئي۔ ريلي کي خطاب ڪندي ٽائون چيئرمين نظير احمد ڀٽو چيو ته جشن آزادي معرڪا حق جي عنوان هيٺ پهرين آگسٽ کان وڏي جوش ۽ جذبي سان تقريبون جاري آهن۔چيئرمين نظير احمد ڀٽو چيو ته آزادي هڪ نعمت آهي جنهنجو اسانکي قدر ڪرڻ گهرجي۔ نظير احمد ڀٽو چيو ته پي پي چيئرمين بلاول ڀٽو زرداري جي بهترين سفارتڪاري سبب دنيا ۾ پاڪستان جي موقف کي تسليم ڪيو ويو آهي۔ پاڪستان جو ڳاٽ اونچو تيو آهي۔ فيلڊ مارشل عاصم منير پاران آمريڪي صدر ڊونل ٽرمپ سان ملاقات ۽ ڀارٿ خلاف زبردست ڪاروائي سبب پاڪستان دنيا اندر نئين قوت طور اڀريو آهي جنهن کي پوري دنيا مڃتا ڏني آهي۔ نظير احمد ڀٽو چيو ته جشن آزادي جو ڏهاڙو ڀرپور نموني ملهايو پيو وڃي۔ اسانجي وڏڙن جي قربانين جي ڪري اڄ اسين آزاد وطن ۾ ساھ کڻي رهيا آهيون۔ پاڪستان اسانجو شان ۽ مان آهي ان موقعي تي ميونسپل ڪمشنر مسرور نواز خشڪ۔ ڊائريڪٽر صفدر سولنگي ۽ ٻيا پڻ موجود هئا