مري: يو اين ۽ آءِ او ايم جي سهڪار سان صحافين لاءِ هيومن ٽريفڪنگ ۽ مائيگرنٽ اسمگلنگ تي ورڪشاپ

مري (م ڊ) اقوام متحده (يو اين) جي سهڪار سان انٽرنيشنل آرگنائيزيشن فار مائيگريشن (IOM) طرفان مري ۾ صحافين کي هيومن ٽريفڪنگ ۽ مائيگرنٽ اسمگلنگ جي فرق بابت ڄاڻ ڏيڻ لاءِ ٽن ڏينهن جي تربيت واري ورڪشاپ جو انتظام ڪيو ويو۔ورڪشاپ جي ٽرينر ۽ سينيئر صحافي عون صاحي چيو ته مائيگرنٽ اسمگلنگ جو مطلب آهي ڪنهن شخص کي غير قانوني طريقي سان هڪ ملڪ کان ٻئي ملڪ ۾ داخل ڪرائڻ، جڏهن ته هيومن ٽريفڪنگ مان مراد آهي انسانن جي خريد و فروخت، دوکي، جبر يا لالچ ذريعي جبري مشقت، جنسي استحصال يا ٻين غير انساني مقصدن لاءِ استعمال ڪرڻ۔هن چيو ته ٻئي عمل الڳ قانوني جرم آهن ۽ انهن جي سزائون به مختلف آهن۔عون صاحي موجب عالمي سطح تي مائيگرنٽ اسمگلنگ ٻه سئو ارب ڊالر سالانو ڪاروبار بڻجي چڪي آهي، جنهن ۾ وڏا بين الاقوامي مافيا گروهه شامل آهن۔ورڪشاپ ۾ شرڪت ڪندڙ صحافين جو چوڻ هو ته پاڪستان ۾ ايف آءِ اي ۽ ٻيا لاڳاپيل ادارا پنهنجي دائري اختيار اندر صحيح طريقي سان ڪم نٿا ڪن۔ورڪشاپ ۾ واضح ڪيو ويو ته هيومن ٽريفڪنگ بين الاقوامي قانون موجب پوليس جي دائري اختيار ۾ اچي ٿي، پر پاڪستان ۾ تحقيقي ادارن ۾ الجھڻ ۽ ابھام موجود آهي۔شرڪت ڪندڙن چيو ته ايف آءِ اي ۾ موجود هيومن ٽريفڪنگ سيل انهيءَ ابھام جي علامت آهي۔ورڪشاپ ۾ يو اين ۽ آءِ او ايم جي نمائندن زور ڏنو ته رياست کي غير قانوني هجرت (ڊنڪي ڪلچر) جي خاتمي لاءِ وڌيڪ سخت قدم کڻڻ گهرجن۔عون صاحي ٻڌايو ته هاڻي پڙهيل لکيل نوجوان به يورپ ۽ آمريڪا وڃڻ جي خواهش ۾ جعلي روزگار جي آڇ ڪندڙ ايجنٽن جي جال ۾ ڦاسي رهيا آهن۔ٿائيلينڊ ۽ ڪمبوڊيا ۾ جعلي آءِ ٽي نوڪرين جو لالچ ڏئي پاڪستاني شهرين کي غير قانوني ڪم ڪرائڻ لاءِ استعمال ڪيو پيو وڃي۔ورڪشاپ ۾ ٻڌايو ويو ته پنجاب سميت ملڪ ڀر ۾ ڊنڪي ذريعي ماڻهن کي ٻاهر موڪلڻ جو منظم نيٽ ورڪ اڄ به سرگرم آهي۔شرڪت ڪندڙن چيو ته يونان ۽ لبيا ۾ پيش آيل ٻوڙن جي حادثن کانپوءِ به هي غير قانوني ڪاروبار بند نه ٿيو آهي، بلڪه ايجنٽن پنهنجا اگهه وڌائي ڇڏيا آهن۔ورڪشاپ ۾ زور ڏنو ويو ته هن خطري کي ختم ڪرڻ لاءِ رياستي ادارن، قانون لاڳو ڪندڙ اداري ۽ ميڊيا کي گڏجي ڪردار ادا ڪرڻو پوندو۔