ملير: شاھ لطيف ٿاڻي جي حد ۾ سڪڻ ندي مان ريتي بجري جي چوري جاري

ملير (رپورٽ: عبدالرشيد مورجھريو) شاھ لطيف ٿاڻي جي حد پير سرهندي ڳوٺ ڀرسان لڳ سڪڻ ندي مان گذريل ٻن هفتن کان وڏي پيماني تي ريتي بجري جي چوري جاري آهي جتي پوليس موبائيلن جي موجودگي باوجود غيرقانوني ڪم کي روڪڻ بدران سرپرستي ڪرڻ جا الزام سامهون آيا آهن. علائقي واسين موجب رات جي وقت سڪڻ ندي مان ريتي بجري ڀري ڀرسان گودامن ۾ گڏ ڪئي پئي وڃي، جڏهن ته ايس ايڇ او شاھ لطيف تي الزام آهي ته هو ريتي بجري چوري ڪندڙن کي تحفظ ڏئي رهيو آهي علائقي واسين جو چوڻ آهي ته ايس ايس پي ملير عبدالخالق پيرزادو جي واضح هدايتن ۽ منع ڪرڻ باوجود غيرقانوني چوري جو عمل جاري آهي، جنهن سان نه رڳو علائقي جي وسيلن کي نقصان پهچي رهيو آهي پر قانون جي به کليل ڀڃڪڙي ٿي رهي آهي.مقامي رهواسين اعليٰ اختيارين کان مطالبو ڪيو آهي ته معاملي جو فوري نوٽيس وٺي پوليس جي مبينا سرپرستي ختم ڪرائي وڃي ۽ ذميوارن خلاف قانوني ڪارروائي ڪئي وڃي.