سڀ ڪيس ڪوڙا آهن، جيستائين هيءَ حڪومت آهي عدالتن جا چڪر ڪاٽيندا رهنداسين: مرتضيٰ جتوئي

افغاني مسلمان ڀائر آهن پاڪستان سندن مشڪل وقت ۾ ساٿ ڏنو آهي پر سندن مسئلو حل ٿي ويو آهي کين واپس وڃڻ گهرجي: مرتضيٰ جتوئي

نوشهروفيروز (ڊ ر) اڳوڻو وفاقي وزير غلام مرتضي جتوئي ۽ سندس ڀاءُ اڳوڻو صوبائي وزير مسرور خان جتوئي دهشتگردي ٽوڙ عدالت جو جج مقرر نه ٿيڻ ڪري انچارج اي ٽي سي جج جي عدالت ۾ پيش ٿيا وڪيلن جا دليل ٻڌڻ بعد عدالت لنجار هائوس ساڙڻ واري ڪيس نمبر 72 ۽ ٻين ۾ ۽ انهن تي پڪي ضمانت لاءِ ڏنل درخواستن جي ٻڌڻي 29 آڪٽوبر تائين ملتوي ڪري ڇڏي آهي جڏهن ته دادو جي اميناڻي ٿاڻي ۽ مورو جي بلاول زرداري قتل ڪيس جي ٻڌڻي 4 نمبر تائين ملتوي ڪئي وئي آهي هوڏانهن اڳوڻو وفاقي وزير غلام مرتضي جتوئي اينٽي ڪرپشن جي داخل هڪ ڪيس ۾ عدالت ۾ پيش جتي پڻ ٻڌڻي 19 نومبر تائين ملتوي ڪري ڇڏي آهي اين پي پي سربراهه غلام مرتضي جتوئي ميڊيا سان ڳالهائيندي چيو آهي ته سڀ ڪيس ڪوڙا داخل ٿيل آهن عدالت مان اميد آهي ته جاچ ڪري اسان جا نالا به ڪيسن مان خارج ڪيا ويندا جيئن ٻين ڪجهه ماڻهن جا نالا ڪيسن مان ڪڍيا ويا آهن عدالت جي حڪمن کانپوءِ ٻيا ڪيس داخل ناهن ڪيا ويا هن چيو ته افغاني مسلمان ڀائر آهن پاڪستان سندن مشڪل وقت ۾ ساٿ ڏنو آهي پر سندن مسئلو حل ٿي ويو آهي کين هاڻي واپس وڃڻ گهرجي ڪي پي ڪي ۽ پنجاب جا حالات خراب ٿيندا پيا وڃن ڊسمبر تائين اهم تبديليون اچڻ جا امڪان آهن سنڌ ۾ امن امان جي صورتحال خراب آهي ھاف فراء ڦل فراء جو قانون ته ناهي پر پوليس اهڙو سلسلو شروع ڪيو آهي جيڪو عمل غلط آهي