نوشهروفيروز ۾ درٻيلو واسي پيرسن جو پٽ خلاف احتجاج

پٽ ارشاد ڪراچي ۾ رهندو آهي جيڪو دشمن بڻجي ويو آهي: محمد لقمان پيرزادو

نوشهروفيروز (رپورٽر) نوشهروفيروز ۾ نئون درٻيلو واسي پيرسن محمد لقمان پيرزادو پنهنجي پٽ ارشاد پيرزادو جي ظلمن کان تنگ ٿي پريس ڪلب پهتو جتي ميڊيا اڳيان دانهيندي هن چيو آهي ته سندس پٽ ارشاد جيڪو ڪراچي ۾ رهندو آهي اهو هاڻي منهنجي جان جو دشمن بڻجي ويو آهي جيڪو هر روز تشدد ڪري ٿو جنهن منهنجو جيئڻ ئي جنجال بڻجي ويو آهي هن چيو ته نافرمان پٽ ارشاد پيرزادو گھر ۽ ٻي ملڪيت نه لکي ڏيڻ جي صورت ۾ جاني نقصان پهچائڻ جون ڌمڪيون ڏئي رهيو آهي ۽ پنهنجي پٽن کي به تشدد جي لاءِ وٺي اچي خدشو آهي ته هو مونکي ڪنهن به طريقي سان مارائي ڇڏيندو ڇو ته هن ڪجهه سال اڳ منهنجي گهرواري کي به زهر ڏئي ماري ڇڏيو هو هن آءِ جي سنڌ ، ڊي آءِ جي شهيد بينظير آباد، ايس ايس پي نوشھروفيروز سميت ٻين وس وارن کي اپيل ڪئي ته معاملي جي جاچ ڪري ظالم پٽ ارشاد پيرزادو خلاف قدم کڻي مونکي تحفظ فراهم ڪيو وڃي