سنڌ جو ناليوارو صحافي ۽ نيوز اينڪر امتياز مير زخمن جا سور نه سهندي لاڏاڻو ڪري ويو

امتياز مير کي ڪجهه ڏينهن اڳ ڪالابورڊ وٽ هٿياربندن حملو ڪيو هو، پوليس جوابدار گرفتار نه ڪري سگهي

ملير (رپورٽ: عبدالرشيد مورجھريو) نالي وارو صحافي امتياز مير ڪراچي هڪ اسپتال م علاج هلندي فوت ٿي ويو امتياز مير تي ڪجهه ڏينهن اڳ ڪالا بورڊ وٽ نامعلوم هٿياربندن حملو ڪيو هو جنهن ۾ هو سخت زخمي ٿي پيو هو واضع رهي ته صحافي امتياز مير تي ان وقت فائرنگ ڪئي وئي ۽ فرار ٿي ويا، جڏهن ته پوليس واقعي کان پوءِ دير سان پهتي ۽ علائقي کي ڪڙو چاڙهي جاچ شروع ڪئي حملو ٿيڻ کان پوءِ امتياز مير کي نازڪ حالت ۾ اسپتال منتقل ڪيو ويو هو، جتي ڊاڪٽرن سندس جان بچائڻ لاءِ ڪوششون ڪيون، پر هو چند ڏينهن علاج هيٺ رهڻ کان پوءِ دم دم ڌڻي حوالي ڪيو امتياز مير جو شمار سنڌ جي بي باڪ ۽ تجربيڪار صحافين ۾ ٿيندو هو، جنهن ڪيترن ئي اهم معاملن تي بي خوف رپورٽنگ ڪئي ۽ سوال ڪيا سندس اوچتي موت تي صحافتي حلقن ۾ ڏک ۽ سوڳ ڇانيل آهي.