نوشهروفيروز ۾ 6سئو مان 500 ٽيوب ويل خراب هجڻ ڪري بند پيل آهن: ساگر يوسف منگي

شهيد ذوالفقار علي ڀٽو جي دور ۾ ضلعي کي 6 سئو ٽيوب ويل ڏنا ويا هئا جن مان 500 خراب آهن

نوشهروفيروز (ڊر)نوشهروفيروز ۾ اسڪارپ ايريگيشن ايمپلائيز ٽيوب ويل ڊويزن جي ضلعي صدر ساگر يوسف منگي ، جنرل سيڪريٽري وقار لاڙڪ، محمد خان مشوري ۽ ٻين پاران انجنيئر اسڪارپ ٽيوب ويل ڊويزن نوشهروفيروز جاويد آفتاب ٽانوري جي مبينا ڪرپشن ۽ ملازمن سان زيادتين خلاف پريس ڪانفرنس ڪندي چيو آهي ته ذوالفقار علي ڀٽو جي دور ۾ ضلعي کي مليل تحفي ۾ 6 سئو ٽيوب ويلن مان پنج سئو کان وڌيڪ ٽيوب ويل خراب حالت سبب بند پيل آهن جن جا ڪوڙا ووچر وٺي بل ٺهرائي انجنيئر، ايس ڊي اوز ۽ آفيس عملو ٺيڪيدارن سان ملي ڀڳت ڪري هڙپ ڪري رهيا آهن هنن چيو ته آبپاشي کاتي جي اعلا عملدارن کي انجنيئر جاويد ٽانوري ۽ سندس ڀاڱي ڀائيوار عملدارن، ٺيڪيدارن خلاف ثبوت به موڪليا آهن پر ان جي باوجود سندس خلاف ڪارروائي نه پئي ڪئي وڃي ڇو ته انجنيئر ڪرپشن آف ڪنگ آهي جيڪو مٿي تائين ڪرپشن جا پئسا پهچائي ٿو هنن چتاءُ ڏنو ته جيڪڏهن انجنيئر کي نه هٽايو ويو ته 26 سيپٽمبر کان شهيد اقبال لاڙڪ جي مزار کان چيف انجنيئر جي آفيس تائين مارچ ڪيو ويندو