ٺٽو پوليس جي ڪارروائي، ٽن جوابدارن کي منشيات سميت گرفتار ڪرڻ جي دعويٰ

ٺٽو (محمد شفيق ڀٽي) ٺٽو پوليس جي ڪامياب ڪارروائي، گٽڪا مواد پهچائڻ جي ڪوشش ناڪام، 3 جوابدار گرفتار، 50 ڪلو گٽڪا مواد، 200 گٽڪا ماوا ۽ هڪ هونڊا اڪارڊ ڪار هٿ، ڪيس داخل آءِ جي پي سنڌ غلام نبي ميمڻ ۽ ڊي آءِ جي پي حيدرآباد رينج طارق رزاق ڌاريجو جي هدايتن جي روشني ۾، ايس ايس پي ٺٽو فاروق احمد بجاراڻي جي حڪم تي، ٺٽو پوليس منشيات، ڏوهاري عنصرن، عادتي ڏوهارين، گٽڪا ۽ مين پڙي خلاف تيزي سان ڪريڪ ڊائون ڪري رهي آهي. ايس ايس پي ٺٽو فاروق احمد بجاراڻي جي حڪم تي، ايس ايڇ او پوليس اسٽيشن جهرڪ انسپيڪٽر بهادر خان جمالي پنهنجي عملي سان گڏ، ڳجهي اطلاع تي، جهمپير-نوري آباد روڊ، ڪراچي، واهه جي ويجهو ڪاميابي سان ڪارروائي ڪئي ۽ هڪ هونڊا اڪارڊ ڪار نمبر ALB-773 ۾ گٽڪو مواد پهچائڻ جي ڪوشش کي ناڪام بڻايو ۽ 3 جوابدارن محمد امير ميمڻ، محمد جنيد ميمڻ ۽ محسن ميمڻ کي گرفتار ڪيو. پوليس ڪار کي قبضي ۾ وٺي 50 ڪلو گٽڪو مواد ۽ 200 ٿيلها گٽڪو ماوا برآمد ڪيا. جوابدار خلاف گٽڪو ايڪٽ تحت پوليس اسٽيشن جهرڪ ۾ ڪيس داخل ڪيو ويو آهي.