ٺٽو: ڳوٺ آمون سمون جي زخمين جو مبينا حملو ڪندڙ جوابدارن جي گرفتاري جو مطالبو

3ڏينهن اڳ چئن ڄڻن ڪهاڙين ۽ لٺين سان حملو ڪري مون کي پٽ سميت زخمي ڪيو: يار محمد سمون

ٺٽو(ڊر) گلمنڊا لڳ ديھ سمڪي جي ڳوٺ آمون سمون جي رھواسي سول اسپتال مڪلي ۾ داخل زخمي پيء ۽ پٽ يار محمد سمون ۽ سندس پٽ قادر بخش سمون صحافين سان ڳالھائيندي چيو اھي تہ 3 ڏينھن اڳ گلمنڊا شھر کان موٽر سائيڪل تي ڳوٺ ويندي ڳوٺ ڀرسان سندن ڳوٺ جي رھواسي چئن ڄڻن عبدالرحمن سمون، ڪاڪا سمون، الھڏنو سمون ۽ پسند سمون مٿن ڪھاڙين ۽ لٺين سان حملو ڪري کين سخت زخمي ڪري فرار ٿي ويا آھن، حملي ۾ سندن ٻانھون ۽ ٽنگون پڻ ٽٽي ويون آھن، جنھن ڪري سندن معذور ٿيڻ جو خدشو وڌي ويو اھي، ھنن چيو تہ حملي آورن خلاف مڪلي ٿاڻي تي ڪيس پڻ داخل ڪرايو اھي، پر مڪلي پوليس بااثر حملي آور جوابدارن کي گرفتار ڪرڻ لاء تيار ناھي، جيڪي وڌيڪ موتمار ڌمڪيون ڏيئي وڌيڪ اسانکي نقصان پھچائڻ چاھين ٿا، زخمي يار محمد سمون ۽ سندس پٽ قادر بخش سمون چيو تہ مذڪورہ حملي آور ھڪ مھينو اڳ بہ درياء خان سمون تي حملو ڪري کيس سخت زخمي ڪيو ھو، جيڪو پڻ اڃان تائين علاج ھيٺ آھي، جنھن جو پڻ ڪيس مڪلي ٿاڻي تي درج ڪرايو ويو ھو، پر مڪلي ان کي توڙي اسان کي زخمي ڪندڙ حملي آورن کي گرفتار ڪرڻ لاء تيار ناھي، ھنن چيو تہ ھو علاج ھيـٺ سول اسپتال مڪلي م داخل آھن تہ بااثر جوابدار سندن گھرن تي ھلان ڪري سندن گھر ڀاتين کي حراسان ڪري انھن کي موتمار ڌمڪيون ڏيئي انھن کي پڻ خوفزدہ ڪري ڇڏيو اھي، جنھن ڪري اسان سخت پريشان آھيون. ھنن چيف جسٽس سنڌ ھاء ڪورٽ، سيشن جج ٺٽو، ايس ايس پي ٺٽو سميت سمورن وس وارن کي اپيل ڪئي تہ ساڻن انصاف ڪري کين تحفظ مھيا ڪرڻ سميت کين زخمي ڪندڙ سمورن حملي آور جوابدارن کي گرفتار ڪري کين ڪيفر ڪردار تائين پھچايو وڃي، ٻئي صورت ۾ سخت احتجاج ڪرڻ سميت انصاف لاء عدالت ۾ وينداسين.