گلشنِ حديد ۾ ٽٽل روڊ، پاڻي نيڪال جو نظام ناڪارا بڻيل

گندو پاڻي روڊن رستن تي بيهڻ سبب روڊ کنڊر بڻجي ويا، رهواسي پريشان

ملير (رپورٽ: عبدالرشيد مورجھريو) گلشنِ حدید ۾ شهري مسئلا سنگين شڪل اختيار ڪري ويا آهن۔ علائقي جا روڊ ٽٽل آهن، نيڪال جو نظام خراب آهي ۽ عوامي فنڊن هيٺ ڪيا پيا وڃن جي رهواسي سخت پريشان آهن سماجي تنظيم سنڌ سماجي ساٿ موجوده صورتحال تي ڳڻتي ظاهر ڪندي شفافيت ۽ احتساب جو مطالبو ڪيو آهي۔ تنظيم جي چيئرمين غلام نبي مگسي، ايڊووڪيٽ ذيشان قاضي، ممتاز علي ناريجو ۽ سماجي ڪارڪن اياز علي خاصخيلي چيو ته ماڻهن کي بنيادي سهولتن کان محروم رکڻ ظلم آهي۔ايڊووڪيٽ ذيشان قاضي موجب هر سال وڏو بجيٽ رکيو ويندو آهي پر ساڳيون روڊون بار بار ٺهنديون آهن ۽ ٿوري برسات يا کوٽائي بعد ٻيهر ويهي پونديون آهن۔ رهواسين جو الزام آهي ته ترقياتي فنڊز صرف ضايع نٿا ٿين پر کليل عام لٽيا وڃن ٿا تازن ڏينهن ۾ فیز ون جي مرڪزي روڊ غيرقانوني سيوريج جي ڪم سبب ويهي وئي، جنهن سبب هزارين ماڻهو ڪلاڪن تائين گئس کان محروم رهيا۔ ان واقعي کان پوءِ شهرين قومي شاهراهه بند ڪري احتجاج ڪيو، پر ڪنهن به اداري طرفان جاچ نه ٿي ماهرن جو چوڻ آهي ته هي معاملو نااهلي نه پر بدعنواني آهي۔ نامور ماهر تعمير عارف حسن موجب ترقياتي منصوبا بغير شفافيت جي ڏنا وڃن ٿا ۽ بغير جاچ جي مڪمل ظاهر ڪيا وڃن ٿا رهواسين جو چوڻ آهي ته اهڙي صورتحال ۾ سندن زندگي عذاب بڻجي وئي آهي۔ ٽٽل روڊ سبب اسڪولي ٻار ۽ ايمبولينسون متاثر ٿين ٿا، جڏهن⁠تہ بنيادي سهولتن جي کوٽ روزاني زندگي کي ڏکيو بڻائي ڇڏيو آهي۔ريٽائرڊ اسٽيل ملز ورڪر خليل احمد شڪايت ڪندي چيو اسان ووٽ ته ڏيون ٿا، پر اسان جي زندگي کي اذيتناڪ بڻايو ويو آهي