ٺٽي ۾ وڏي ڀاءُ معمولي ڳالهه تان ننڍي ڀاءُ کي ڪهاڙيون هڻي قتل ڪري ڇڏيو

وڳ

ٺٽو( محمد شفيق ڀٽي) ٺٽي ۾ ٻن سڳن ڀائرن ۾ جھيڙو رت وهئي ويو وڏي ڀاءُ مالڪ ڪورائي معمولي ڳالهه تان گھر ۾ ويٺل پنهنجي ننڍي ڀاءُ انس ڪورائي کي ڪھاڙي جا وار ڪري سخت زخمي ڪري ڇڏيو. زخمي کي فوري طور تي گھارو رورل هيلٿ سينٽر منتقل ڪيو ويو، پر اسپتال ۾ ايمبولينس نه ملڻ جي ڪري زخمي ٻه ڪلاڪ تڙپندو رهيو. جنھن بعد کيس هڪ پرائيويٽ ڪار ذريعي ڪراچي جي جناح اسپتال منتقل ڪيو پئي ويو پر رستي ۾ ئي زخمن جا سور نه سھندي فوت ٿي ويو مقتول انس قرآن جو حافظ به هو جھيڙي جو اصل ڪارڻ تاحال معلوم نه ٿي سگهيو آهي. واقعي کان پوءِ جوابدار مالڪ ڪورائي ڪھاڙي موقعي تي ئي ڇڏي فرار ٿي ويو جڏهن ته گھارو پوليس پاران جوابدار جي گرفتاري لاءِ ڇاپا هنيا پيا وڃن مقتول جو لاش گھر پهچڻ تي ڪهرام مچي ويو