سنڌ انڊيجيئنس رائٽس الائنس جي مرڪزي ڪابينه ۽ ڪراچي چيپٽر جو گڏيل اجلاس

اجلاس جي صدارت مرڪزي نائب صدر خالق جوڻيجو ڪئي، الائنس جي باني اڳوڻي صدر لالا عثمان بلوچ جي به شرڪت

ملير (رپورٽ : عبدالرشيد مورجھريو)سنڌ انڊيجيئنس رائٽس الائنس (SIRA) جي مرڪزي ڪابينه ۽ ڪراچي چيپٽر جو گڏيل اجلاس مرڪزي نائب صدر خالق جوڻيجو جي صدارت هيٺ ملير ۾ ٿيو جنهن ۾ الائنس جي باني اڳوڻي صدر لالا عثمان بلوچ خاص شرڪت ڪئي اجلاس ۾ تنظيمي ڍانچي جي مشڪلاتن ۽ انهن جي حل تي تفصيلي غور ڪيو ويو۔ متفقه فيصلو ڪيو ويو ته الائنس کي وڌيڪ منظم ۽ مضبوط بڻائڻ لاءِ ميمبرشپ ۽ يونٽ سازي جي عمل کي تيز ڪيو وڃي گڏجاڻي ۾ ڪراچي ۾ حالين برساتن سبب پيدا ٿيل سيلابي صورتحال ۽ ملير ندي جي پيٽ ۾ اڏوت هيٺ ڀٽو ايڪسپريس وي کي پهتل نقصان تي پڻ ڳالهه ٻولهه ڪئي ويئي اڳواڻن چيو ته منصوبي تي وڌندڙ عوامي تنقيد اصل ۾ الائنس جي بيانيي ۽ ان جي سياسي ۽ قانوني جدوجهد جي ڪاميابي آهي اجلاس ۾ فيصلو ڪيو ويو ته ان حوالي سان الائنس ڪراچي پريس ڪلب ۾ هڪ پريس ڪانفرنس ڪندي، جتي انڊيجيئنس رائٽس ليگل ڪميٽي جي موقف ۽ محنت کي اجاگر ڪيو ويندو۔ ساڳئي وقت ماضي جا ڪلپس ۽ بيان سوشل ميڊيا تي ٻيهر جاري ڪيا ويندا ته جيئن واضح ٿئي ته ڀٽو ايڪسپريس وي بابت جيڪي اعتراض اڄ سامهون اچي رهيا آهن، اهي ئي نقطا الائنس ۽ ليگل ڪميٽي شروع کان ئي اٿاريندا رهيا آهن۔ان کان علاوه، اجلاس ۾ فيصلو ڪيو ويو ته الائنس کي سياسي طور متحرڪ ڪرڻ لاءِ رابطا مهم هلائي ويندي ۽ مختلف انڊيجيئنس وسندين جا دورا ڪيا ويندا۔ عوامي موبلائيزيشن کي تيز ڪرڻ ۽ قانوني جدوجهد کي وڌيڪ اثرائتو بڻائڻ لاءِ ايڊووڪيٽ ڪاظم حسين مهيسر جي سربراهي ۾ سنڌ جي مختلف بار ايسوسيئيشنن سان به رابطا ڪيا ويندا۔اجلاس ۾ خالق جونيجو، لالا عثمان بلوچ، حفيظ بلوچ، ايڊووڪيٽ ڪاظم حسين مهيسر، ايڊووڪيٽ ناصر جمال، ايڊووڪيٽ امداد چاچڙ ۽ ايڊووڪيٽ معین مگسي شرڪت ڪئي۔