نوشهروفيروز ۾ آل سنڌ ايريگيشن ٽريڊ يونينز فيڊريشن جو اجلاس ٿي گذريو، انجنيئر خلاف احتجاجي تحريڪ جو اعلان

انجنيئر جاويد آفتاب ٽانوري چارج سنڀالي آهي ان ڏينهن هن کاتي پنهنجي ذاتي جاگير بڻائي ڇڏيو آهي: عبدالرحيم ڀارو

نوشهروفيروز (ڊ ر)نوشهروفيروز ۾ آل سنڌ ايريگيشن ٽريڊ يونينز فيڊريشن جو اجلاس اڄ اسڪارپ ايمپلائيز يونين ڊويزن ۾ زير صدارت صوبائي صدر ميان عبدالرحيم ڀارو جي ٿيو جنهن ۾ ٽيوب ويل ڊويزن نوشهروفيروز ۾ مقرر انجنيئر جاويد آفتاب ٽانوري خلاف احتجاجي تحريڪ جو اعلان ڪيو ويو ان موقعي تي ڊويزن جي صدر ساگر يوسف منگي انجنيئر اسڪارپ ٽيوب ويل ڊويزن نوشهروفيروز جاويد آفتاب ٽانوري کي پنهنجو قبلو درست ڪرڻ ۽ ڪيل ڪرپشن جي پئسن جو ڊويزن ۾ ڪم ڪرائڻ ۽ پورهيتن سان سٺي اخلاق سان پيش جو الٽيميٽم ڏنو ويو ٻي صورت ۾ چيف انجنيئر آفيس اڳيان ڌرڻو هڻڻ جو اعلان ڪيو ويو آهي ان موقعي تي صوبائي جنرل سيڪريٽري ياسر اقبال لاڙڪ ۽ ڊويزن جي صدر ساگر يوسف منگي انجنيئر تي الزام هڻندي چيو ته جنهن ڏينهن کان انجنيئر جاويد آفتاب ٽانوري چارج سنڀالي آهي ان ڏينهن هن کاتي پنهنجي ذاتي جاگير بڻائي ڇڏيو آهي جنهن جي پير پائڻ سان ضلعي جي ٽيوب ويلن جن انگ 600 آهي انهن مان صرف 50 ٽيوب ويل هلن باقي ناڪاره بڻيل آهي هن تازو سرڪار پاران مليل بجيٽ جيڪا 2 ارب روپيا صرف ڪاغذن جي ڪاروائي ڪري هڙپ ڪري ڇڏيا آهن هن چيف انجنيئر جي روڪڻ جي باوجود به آيل ڪانٽيجسي جا 60 لک روپيا پنهنجي ذاتي بنگلي تي خرچ ڪري ڇڏيا آهن ڊويزن جي جنرل سيڪريٽري وقار لاڙڪ چيو ته انجنيئر بدمست وڏيرو آهي هن 2022 واري برسات ۾ اسڪارپ ڪالوني جي ڊرينج ، اسٽريٽ لائٽ، روڊ رستن جي بجيٽ به ڳڙڪائي ڇڏي آهي هن چيو ته ڪرپشن ۾ مهارت رکندڙ ڪرپٽ ڪامورو جاويد آفتاب ٽانوري چوي ٿو ته منهنجي مٿي سرڪار تائين پهچ آهي جنهن ڪري مون ڪو ڪجهه نه ٿو ڪري سگهي هنن مطالبو ڪيو ته شهيد اقبال لاڙڪ جي قتل جي جاچ جي شروعات انجنيئر جي بنگلي کان ڪئي وڃي جتي کيس شهيد ڪيو ويو هو ۽ عدالتي ڪميشن قائم ڪري شهيد اقبال جي خون سان انصاف ڪيو وڃي هوڏانهن سنڌ جي مختلف علائقن کان آيل علي بخش وگهيو ،نبي بخش جمالي، محمد بخش ڪورائي، دلدار سولنگي، محمد خان مشوري ، عثمان ڏاهري، خادم شيخ، اربيلو اڄڻ ،اڪرم خشڪ، امتياز ملڪاڻي، نصرﷲ عالماڻي ،قمرالدين شاھ سميت ٻين ملازمن وڏي انگ ۾ شرڪت ڪئي.