ورلڊ سنڌي ڪانگريس پاران 37هين عالمي ڪانفرنس 4 آڪٽوبر تي لنڊن ۾ ٿيندي

234 views | 11th Jul 2025 • سنڌي خبرون

ورلڊ سنڌي ڪانگريس پاران 37هين عالمي ڪانفرنس 4 آڪٽوبر تي لنڊن ۾ ٿيندي

نوشهروفيروز (ڊ ر) ورلڊ سنڌي ڪانگريس پنھنجي عمل کي وڌائيندي ھن سال به، سنڌ تي پنھنجي 37 ھين عالمي ڪانفرنس بروز ڇنڇر، 4 آڪٽوبر، 2025ع تي، يونيورسٽي آف ويسٽ منسٽر، هيرو ڪيمپس، لنڊن ۾ ڪوٺائي رھي آھي. ھن ڪانفرنس ۾ سنڌ جي اھم مسئلن بابت موضوع رکيا ويا آھن، جنھن سنڌ ۾ انساني حقن جي صورتحال، قومي خودمختياري، علائقائي امن ۽ سلامتي ۽ ماحولياتي انصاف جھڙا موضوع شامل آھن ان موقعي تي محقق، دانشور، ۽ انساني حقن جي علمبردارن جا مقالا پيش ڪيا ويندا، گڏوگڏ سنڌي راڳ، ثقافتي پذيرائي ۽ شرڪت ڪندڙن لاءِ طعام جو پڻ انتظام ڪيو ويو آهي ورلڊ سنڌي ڪانگريس جي پڌرائي موجب ڪانفرنس لاءِ سنڌ جي محقق ۽ انساني حقن جي علمبردارن کي دعوت ڏجي ٿي ته هو پنھنجي مقالن جا خلاصا 31 آگسٽ تائين جمع ڪراين