ڪنري ۾ مبينه طور ايڪسپائير دوا واپس نه ڪرڻ تان ميڊيڪل اسٽور تي ڪاهه، 3ڄڻا زخمي

عمرڪوٽ (ڪانجي مل رکيسر)ڪنري ۾ مبينه طور ايڪسپائير دوا واپس نه ڪرڻ تان جهيڙو، ٽي ڄڻا زخمي، ميڊيڪل اسٽور تي ڀڃ ڊاھ، تشدد ،دوڪانون بند، ڇڪتاڻ، دوڪاندارن جي ريلي، آمريڪن چوڪ تي ڌرڻو، ڪيس داخل، چار گرفتار، خبر موجب ڪنري جي مک بازار ۾ مبينه طور سني ميڊيڪل اسٽور تي ايڪسپائير دوا واپس نه ڪرڻ تان دوڪاندارن ۽ شيخ برادري وچ ۾ جهيڙو ٿي پيو جنهن دوران دور خريد ڪندڙ ڌر جي ماڻهن لٺين سان ميڊيڪل اسٽور تي حملو تشدد ڪري ڀڃ ڊاه ڪئي واقعي جي اطلاع تي ڪنري پوليس ۽ دوڪاندارن جو وڏو انگ واقعي واري هنڌ پهتو ۽ احتجاجن ڀرپاسي جون دوڪانون بند ٿي ويون دوڪاندارن ۽ مالهي برادري جي ماڻهن احتجاجي ريلي ڪڍي آمريڪن چوڪ تي ڌرڻو هڻي سخت نعريبازي ڪئي ڌرڻي سبب ڪجھ دير لاء ميرپوررخاص، عمرڪوٽ جهڏو روڊ جي ٽريفڪ بهيجي وئي ميڊيڪل اسٽور مالڪ سترام مالهي دانهيو ته غلط دوا ڏيڻ جي بهاني منهنجي دوڪان تي حملو ڪري اسان تي تشدد ڪري بڃ ڊاھ ڪئي وئي ۽ پيل لکين روپيا ۽ سامان ڦر ڪري جوابدار فرار ٿي ويا احتجاج دوران ڊي ايس پي ڪنري غلام مصطفي ڪاڇيلو پهچي سندن مطالبا تسليم ڪري انصاف جي خاطري ڪرائي احتجاج ختم ڪرايو ڪنري پوليس دوڪاندار سترام مالهي جي فرياد تي گلزار شيخ، محمد علي،شير علي ،جاني شيخ سميت 8 جوابدارن تي ڪيس داخل ڪري ٻن جوابدارن کي گرفتار ڪري ورتو هوڏانهن شيخ برداري جي ماڻهن چيو ته دوڪاندارن اسان کي ايڪسپائير دوا ڏني اها واپس ڪرائڻ لاء اسٽور تي ويل اسان جي نينگر تي دوڪان مالڪ ۽ ملازمن مارڪٽ ڪري دوا واپس ڪرڻ بدران هڪ شيشي ڦري رکي ڇڏي ٻئي شيشي اسان وٽ موجود آهي انهي تان جهيڙو ٿيو واقعي جي شفاف جانچ ڪري انصاف ڪيو وڃي،