ڪاٺوڙ واسين جو بجلي ۽ پاڻي گهرڻ ڏوھ بڻجي ويو، 300 کان وڌيڪ ڳوٺاڻن تي ڪيس داخل

گڏاپ پوليس پاڻي ۽ بجلي لاءِ ڌرڻو هڻندڙ 300 کان وڌيڪ ڳوٺاڻن خلاف ڪيس داخل ڪري ڇڏيو

ملير (رپورٽ: عبدالرشيد مورجھريو)ڪاٺوڙ ۾ بجلي ۽ پاڻي جي بندش خلاف گذريل ڏينهن موٽر وي تي ڌرڻو هڻڻ تي گڏاپ پوليس پاران 44 سڃاتل سميت 300 کان وڌيڪ اڻسڃاتل ماڻهن خلاف هنگامي، پوليس تي حملي، گاڏين کي نقصان پهچائڻ ۽ باهه ڏيڻ جي الزامن هيٺ ڪيس داخل ڪيو ويو آهي.ڪيس ۾ ناصر ڪلمتي، عبدالغفار ڪاڇيلو، اقبال ڪلمتي، شريف ڪلمتي، مزار مري، جاويد بروهي، مجيد گبول، شاهد ڪلمتي، رحمت ڪلمتي، جان شير جوکيو سميت ڪيترن ئي مقامي اڳواڻن کي نامزد ڪيو ويو آهي گڏاپ ٿاڻي تي سرڪاري ڪمن ۾ مداخلت ۽ امن امان ۾ خلل وجهڻ جي الزام هيٺ ڪيس داخل ڪيو ويو آهي، جڏهن ته نامزد ماڻهن سميت ٻين جي گرفتاري لاءِ ڇاپا هنيا پيا وڃن.احتجاج ڪندڙ ڳوٺاڻن جو چوڻ آهي ته، "اسان بجلي ۽ پاڻي جي بندش خلاف پرامن احتجاج ڪيو، جنهن ۾ اسان جون فيمليون به شامل هيون، پر اسان تي اهڙو سنگين ڪيس داخل ڪري ظلم ڪيو ويو آهي، جنهن جي اسان سخت لفظن ۾ مذمت ڪريون ٿا.