شڪارپور پوليس پاران مبينا مقابلي دوران هڪ ڏوهاري کي مارڻ جي دعويٰ

مقابلي دوران هڪ ڏوهاري شبير بروهي پنهنجي ساٿين جي فائرنگ ۾ مارجي ويو: پوليس

شڪارپور(احسان ابڙو) شڪارپور ڀرسان لوڊرا ٿاڻي جي حد چوئي شاخ لڳ ڳوٺ وڏا ماڇي ۾ پوليس جو ڏوھارين سان مبينا مقابلو ھڪ ڏوھاري مارجي ويو ھڪ زخمي حالت ۾ گرفتار, مبينا مقابلي ۾ مارجي ويل ڏوھاري جي سڃاڻپ شبير ولد علي نواز بروھي طور ٿي آھي, جڏھن تہ زخمي گرفتار ڏوھاري کي پوليس نامعلوم ھنڌ منتقل ڪري ڇڏيو آھي,پوليس پاران جاري ڪيل بيان ۾ چيو ويو آھي تہ لوڊرا ٿاڻي جي حد ڳوٺ وڏا ماڇي ۾ ڏوھارين جو اطلاع مليو 4 ڏوھاري ڏوھ ڪرڻ جي ارادي سان چوئي شاخ ڳوٺ وڏا ماڇي ويجھو بيٺل آھن,مختلف ٿاڻن جي پوليس بروقت واقعي واري ھنڌ پھتي جتي ڏوھارين پوليس مٿان فائرنگ ڪري ڏني پوليس پاران فائرنگ ڪئي وئي, مارجي ويل ڏوھاري شبير بروھي پنھنجي ساٿين جي فائرنگ ۾ موقعي تي مارجي ھڪ ڄڻو زخمي حالت ۾ گرفتار ڪيو ويو آھي, جڏھن تہ 2 ڄڻا فرار ٿي ويا آھن, مارجي ويل ڏوھاري جو لاش ضروري ڪاروائين لاء سول اسپتال منتقل ڪيو ويو آھي,ھوڏانھن ذريعن کان مليل ڄاڻ موجب مبينا مقابلي ۾ مارجي شبير بروھي ڳوٺ وڏا ماڇي ۾ رات دير سان ماڇي برادري جي فائرنگ ۾ مارجي ويو آھي ڀاڳين چور سمجھي فائرنگ شروع ڪئي ڀاڳين جي فائرنگ ۾ گوليون لڳڻ سبب شبير بروھي مارجي ويو ھڪ ڄڻو جان محمد سندراڻي زخمي ٿي پيو آھي, ٻي طرف لوڊرا پوليس مبينا قابلو ڄاڻائي ڇڏيو,مقتول شبير بروھي جي وارثن امڙ حاڪمزادي,ڀاء رفيق بروھي, سراج بروھي جو چوڻ آھي تہ شبير رات پنھنجي دوستن جان محمد سندراڻي سان ڳوٺ وڏا ماڇي دوا وٺڻ وڃي رھيا ھئا ماڇي برادري چور سمجھي سندن مٿان سڌي فائرنگ ڪري ڏني ڀاڳين اسان جي نوجوان کي ناحق قتل ڪيو آھي ھاڻي وري پوليس مقابلو ڄاڻائي رھيا آھن,واقعي جي جاچ ڪري انصاف فراھم ڪيو وڃي.