شهدادپور ويجهو پيرسن ڳلو ڪپي قتل، وارثن جو لاش رکي ڌرڻو

182 views | 09th May 2023 • سنڌي خبرون

جوابدارن گهر ۾ گهڙي ننڊ سُتل 50 ورهين جي املک ڀيل جو ڳلو ڪپي قتل ڪري ڇڏيو: وارث

شھدادپور ڀرسان ڳوٺ شير خان لغاري ۾ گهر اندر 8 ٻارن جو پيءُ تيز ڌار اوزار سان ڳلو ڪپي ڪُهي قتل، مقتول جي وارثن جو چوڻ آهي ته اڻڄاتل جوابدارن گهر ۾ گهڙي ننڊ سُتل 50 ورهين جي املک ڀيل جو ڳلو ڪپي قتل ڪري ڇڏيو، اطلاع تي پوليس پهچي مڙھ تحويل ۾ وٺي سِمس اسپتال جي مرده خاني منتقل ڪري ڇڏيو، مقتول جي وارثن پاران لاش رکي پوليس خلاف ڌرڻو هنيو ويو، سندن چوڻ آهي ته پوليس جوابدار گرفتار ڪرڻ بدران گهرڀاتين تي قتل جو شڪ ظاهر ڪري رهي آهي، ٻي طرف پوليس جو چوڻ آهي ته 4 پيري گهرايا پر پيرو گهر مان ٻاهر نڪتو ئي ناهي، وڌيڪ ڪيس داخل ٿيڻ بعد جاچ ڪئي ويندي