ملير: شاهه لطيف پوليس پاران 3 ڏوهاري گرفتار ڪرڻ جي دعويٰ

ملير ( رپورٽر) ملير شاهه لطيف پوليس اسٽريٽ ڪرائم ۽ موٽرسائيڪل لفٽنگ ۾ ملوث ٽن گهربل جوابدارن کي گرفتار ڪرڻ جو دعويٰ ڪئي آهي ڳجهي اطلاع تي ڪارروائي دوران، پوليس شاهه لطيف ٽائون واري علائقي مان موٽرسائيڪل سوار شڪي ماڻهن کي هٿيارن سميت گرفتار ڪيو.گرفتار ٿيل ٽئي جوابدار ڊڪوٽا گينگ جا اهم ڪارڪن آهن.گرفتار ٿيل جوابدارن جي سڃاڻپ رشيد، شهزار ۽ آفتاب جي نالي سان ٿي آهي. ملير پوليس جو چوڻ آهي ته گرفتار جوابدار، شاهه لطيف ٿاڻي جي حد سميت ڪراچي شهر جي مختلف علائقن ۾ هٿيارن جي زور تي شهرين کان ڦرلٽ ۽ موٽرسائيڪلون ڦرڻ ۾ ملوث هئا.گرفتار جوابدارن جي قبضي مان ٻه پستول گوليون ٻه موٽر سائيڪلون، موبائل فون ۽ نقدي هٿ ڪئي وئي آهي. گرفتار ٿيل جوابدارن جي قبضي مان هٿ ڪيل موٽرسائيڪلون شاهه لطيف ۽ شاهه فيصل پوليس اسٽيشنن جي حدن مان تان ڦر ڪيون ويون هيون گرفتار ڪيل جوابدارن جي وڌيڪ ڪرمنل رڪارڊ جي جانچ ڪئي پئي وڃي.گرفتار ڪيل جوابدارن خلاف ضابطن تحت قانوني ڪارروائي ڪئي پئي وڃي ۽ وڌيڪ جاچ جاري آهي.