ملير ۾ بجلي جي ڊگهي لوڊشيڊنگ جاري، رهواسي روڊن تي نڪري آيا

پپري، شاهه ٽائون، گهگهر ڦاٽڪ، عزيز سٽي ۽ ٻين علائقن جي رهواسين جو ڪي اليڪٽرڪ آفيس آڏو ڌرڻو

ملیير (رپورٽ: عبدالرشيد مورجھريو)ملیر ۾ ڊگھي لوڊشيڊنگ خلاف پپري، شاھ ٽائون، گهگهر ڦاٽڪ، عزيز سٽي ۽ ٻين علائقن جي رهواسين ۽ چونڊيل مڪاني نمائندن پاران قومي شاهراه لڳ جوڳي موڙ تي ڪي اليڪٽرڪ آفيس اڳيان احتجاجي مظاهرو ڪري ڌرڻو هنيو ويوجنهن جي اڳواڻي يوسي پپري جو چيئرمين ڊاڪٽر عظمت لنڊ، چيئرمين اڪبر ڪلمتي، وائس چيئرمين علي محمد گبول ۽ مير عباس ڪري رهيا هئا مظاهري دوران ڪي اليڪٽرڪ انتظاميا خلاف سخت نعريبازي ڪئي وئي۔ مظاهرو ڪندڙن جو چوڻ هو ته ڪي اليڪٽرڪ هڪ مافيا بڻجي وئي آهي، جيڪا سخت گرمي ۾ ماڻهن کي بجلي کان محروم ڪري ظلم جي انتها ڪري رهي آهي۔انهن چيو ته بجلي جي بندش سبب پيئڻ جي پاڻي جو شديد بحران پيدا ٿي ويو آهي، ڪاروبار مڪمل طور بند ٿي ويا آهن، ۽ علائقي واسي عذاب واري زندگي گذاري رهيا آهن مظاهري ۾ شريڪ ماڻهن خبردار ڪيو ته جيڪڏهن فوري طور بجلي بحال نه ڪئي وئي ته احتجاج جو دائرو وڌايو ويندو ۽ ڪي اليڪٽرڪ خلاف سخت قدم کنيا ويندا۔ انهن چيو ته هاڻ خاموشي جو وقت ناهي، ظلم خلاف آواز اٿارڻو پوندو۔