ملير جشن آزادي جَي رنگن ۾ رنگجي ويو، ابراهيم حيدري، چشمه ڳوٺ سميت مختلف علائقن ۾ معرڪه حق تقريبون ڪوٺايون ويون

ملير (رپورٽ: عبدالرشيد مورجھريو) ملير جشن آزادي جَي رنگن ۾ رنگجي ويو، ابراهيم حيدري، چشمه ڳوٺ سميت مختلف علائقن ۾ معرڪه حق تقريبون ڪوٺايون ويون. يوسي چشمه ڳوٺ ۾ آئي آر سي ۽ پي پي اي ايف جَي سهڪار سان هلندڙ اسڪولن ۾ جشن آزادي جون تقريبون ڪوٺايون ويون، جن ۾ ٻارڙن ٽيبلوز پيش ڪيا.اسڪولي شاگردن چشمه ڳوٺ واڳو ڏر 2 اسڪول کان ڪورنگي فش هاربر تائين ريلي ڪڍي، جنهن ۾ ڪورنگي فش هاربر جَي منيجنگ ڊائريڪٽر، چونڊيل نمائندن ۽ سياسي سماجي اڳواڻن شرڪت ڪئي. علي بروهي ڳوٺ گورنمينٽ بوائز پرائمري اسڪول ۾ به رنگارنگ تقريب ٿي، جنهن ۾ آئي آر سي ھيڊ فوڪل پرسن غلام فريد بلوچ، حاجي خادم شيخ اسماعيل چارڻ ۽ ٻين شرڪت ڪئي. ٻئي پاسي چشمه ڳوٺ ۾ پاڪستان جِي آزادي ۽ معرڪه حق جَي حوالي سان ڪوٺايل تقريب ۾ ڪورنگي فشريز جي مينيجر ڊائريڪٽر شاهد اسلم مرزا، جي ايم نثار سومرو کانسواءِ ايف سي ايس جي ڊائريڪٽر فاطمه مجيد ۽ يوسي چيئرمين عمران يوسفزئي شرڪت ڪئي.شاهد مرزا تقريب جو افتتاح ڪيو، جنهن ۾ اسڪولي ٻارڙن به شرڪت ڪئي، ملڪي آزادي جي اهميت کي پڻ اجاگر ڪيو ويو.