ابراهيم حيدري ۾ جشن آزادي معرڪه حق جي حوالي سان ريلي ۽ تقريب منعقد

سرڪاري اسپتال ۾ تقريب دوران جشن آزادي جو ڪيڪ ڪاٽيو ويو، پاڪستان زنده آباد جا نعرا

ملير (عبدالرشيد مورجھريو)ابراهيم حيدري سنڌ گورنمينٽ اسپتال ۾ جشن آزادي ۽ "معرڪه حق پاڪستان" جي عنوان سان ريلي بعد تقريب ڪوٺائي وئي، جنهن ۾ ملڪ جي آزاديءَ جو ڪيڪ ڪاٽيو ويو.اسپتال انتظاميا معرڪه حق ريلي ڪڍي، جنهن ۾ ڊاڪٽرز، نرسز ۽ ٻَي اسٽاف سميت عام شهرين به وڏي انگ ۾ شرڪت ڪئي.جشن آزادي تقريب ۾ قومي جهنڊو ڦڙڪائي ڪيڪ ڪاٽيو ويو، تقريب ۾ ڊاڪٽرن، پيرا ميڊيڪل اسٽاف ۽ شاگردن به شرڪت ڪئي.تقريب کي خطاب ڪندي ايم ايس ڊاڪٽر سُنيل ڪمار چيو ته اسين خوش نصيب آهيون جو آزاد ملڪ جِي آزاد فضائن ۾ سک جو ساهه کڻي رهيا آهيون.هن چيو ت پاڪستاني فوج ۽ ٻين ادارن پاڪستان ڏانهن ميري اک سان ڏسندڙ دشمن جا ڏند کٽا ڪري ڇڏيا آهن، پاڪستاني قوم پنهنجي ادارن سان گڏ بيٺل آهي.تقريب کي ڊاڪٽر اعظم، ڊاڪٽر نريش ڪمار، ايڊمنسٽريٽر پي پي ايڇ آءِ طارق عباسي، ڊاڪٽر گوتم ڪيسواڻي ۽ ٻين پڻ خطاب ڪيو.