ملير ۾ ايم ڪيو ايم پاڪستان ۽ رند برادري پاران جشن آزادي جي حوالي سان ريلي ڪڍي وئي

ھر سال جيان هن سال به جشن آزادي ملھائڻ ۾ عوامي رجحان وڌيڪ آهي: بشير احمد رند ۽ ٻيا

ملير (رپورٽ: عبدالرشيد مورجھريو) ايم ڪيو ايم پاڪستان جي رند برادري طرفان فقيرا ڳوٺ کان احسن آباد تڪ جشن آزادي ريلي،ريلي جي اڳواڻي بشير احمد رند، حاجي بجار خان رند، پانڌي خان بگٽي، ڪري رھيا ھئا ريلي ۾ شريڪ سوين ماڻهن جي ھٿن ۾ پاڪستاني پرچم ۽ ايم ڪيو ايم پاڪستان جا جهنڊا ھئا، ريلي فقيرا ڳوٺ جي مين بازار کان ٿيندي پاڪستان زنده باد، پاڪ فوج زنده آباد، ايم ڪيو ايم پاڪستان زنده آباد جا نعرا ھڻندي آچر بازار کان ٿيندي احسن آباد جي مين چوڪ تي لڳل ايم ڪيو ايم پاڪستان جي جشن آزادي ڪيمپ تي پھتا، ان وقت ريلي جلسي جي صورت ۾ تبديل ٿي ويو، جنهن ۾ ايم ڪيو ايم پاڪستان، ايم اين اي اقبال مسعود، ايم پي اي رانا شوڪت، پانڌي خان بگٽي، بشير احمد رند، حاجي بجار خان رند، عادل ڀائي، راحيل ڀائي، چوڌري جميل ۽ ٻين خطاب ڪندي چيو ته پاڪستان جي 78 ساله سالگره ۽ جشن آزادي جي موقعي تي ھر سال جيان هن سال جشن آزادي ملھائڻ ۾ عوامي رجھان وڌيڪ آهي، ھنن چيو ته ڪراچي ۾ ايم ڪيو ايم پاڪستان جا ڪارڪن توڙي اڳواڻ پاڪستاني جھنڊن بينرن سائين بورڊن سان شھر کي سينگاري رھيا آھن، انھن چيو ته پاڪستاني قوم توڙي پاڪستاني فوج پاڪستان جي بقا لاءِ گڏجي جدوجهد ڪري رهيا آهن، انھن چيو ته پيپلزپارٽي پارٽي جي 18 سالن جي حڪومت عوام کي سواءِ پريشاني، بدامني کان علاوه ڪجھ ناھين ڏنو، انھن چيو ته ايم ڪيو ايم پاڪستان جا اڳواڻ ۽ ڪارڪن پاڪ آرمي سان گڏ آهن، انھن چيو ته پاڪستان اھو واحد مسلمان ملڪ آھي جيڪو ايٽمي طاقت رکي ٿو، انھن چيو ته پاڪستان جي بقا ۽ عوام جي خدمت لاءِ ايم ڪيو ايم پاڪستان ھر وقت پنهنجي ڪارڪنن سميت تيار آهي،