ناليواري اديب شاعر صحافتي سماجي اڳواڻ سورج سجاولي جي چوٿين ورسي، ڀيٽا پيش

سورج سجاولي تاريخ جو وڏو نالو هو، جيڪو هميشه مظلومن جو آواز بڻيو: منظور رحيم پليجو ۽ ٻيا

سجاول (رپورٽر) سنڌ جي قومي عوامي شاعر سرويچ سجاولي جي فرزند، پريس ڪلب سجاول جي اڳوڻي صدر، پ پ پ اڳواڻ ۽ بھترين شاعر سورج سجاولي جي چوٿين ورسي سادگي سان ملهايي وئي. ان موقعي تي سندس قبر تي گلن جي چادر چاڙهي وئي ۽ دعا گهري ويئي. جڏھن ته سرويچ نگر م قرآن خواني جو پڻ احتمام ڪيو ويو ,ورسي جي تقريب ۾ سياسي، سماجي، صحافتي حلقن سميت اديبن وڏي انگ ۾ شرڪت ڪئي. شرڪت ڪندڙن سورج سجاولي کي ڀيٽا پيش ڪندي چيو ته هو تاريخ جو وڏو نالو هو، جيڪو هميشه مظلومن جو آواز بڻيو. سندس خدمتن جي بدولت اڄ به سڄي سنڌ کيس ياد ڪري ٿي.تقريب ۾ پ پ پ ضلعي انفارميشن سيڪريٽري منظور رحيم پليجو، سورج سجاولي جي وارثن مان نجيب سرويچ، عادل سرويچ، پريس ڪلب سجاول جي صدر اسماعيل سرويچ، سليم کوسو ملڪ صديق ملاح ، شبير سمون، عبدالغفار ٻارڻ، سنڌي ادبي سنگت جي اڳواڻن عبد سنڌي، اياز امر شيخ، اصغر ميمڻ، سڄڻ سنڌي، پ ٽ الف اڳواڻ عرفان سومرو، عبدالشڪور، ميربحر ، عبدالغفور ميمڻ، صديق آرائين ۽ ٻين شرڪت ڪئي.شرڪت ڪندڙن سورج سجاولي جي ادبي، سياسي ۽ سماجي خدمتن کي ساراهيندي چيو ته هو سدائين سنڌ ڌرتيءَ لاءِ آواز اٿاريندو رهيو، جنهن جي بدولت هو هميشه سنڌ واسين جي دلين ۾ زنده رهندو.