سجاول پوليس جي ڪارروائي، 2 جوابدارن کي گرفتار ڪري ڪار هٿ ڪرڻ جي دعويٰ

ڪراچي قائد آباد کان ٽن ماڻهن ۽ هڪ عورت جاتي لاءِ ٽيڪسي ڪار بڪ ڪئي: پوليس

سجاول (رپورٽر) ايس ايس پي علينہ راجپر جي اڳواڻي ۾ سجاول پوليس جي اثرائتي ڪارروائي. جاتي پوليس اسٽيشن جي حد ۾ مريد کھوسو کان ڦر ٿيل ڪار ٻن ڪلاڪن اندر برآمد، ٻن جوابدارن کي گرفتار ڪيو ويو' پوليس کي اطلاع مليو ته ڪراچي قائد آباد کان ٽن ماڻهن ۽ هڪ عورت جاتي لاءِ ٽيڪسي ڪار نمبر AAF-591 مارگلا بڪ ڪئي ۽ جڏهن مريد کھوسو وٽ پهتا ته جوابدارن ڊرائيور کان نقد رقم، ٻه موبائل فون ۽ ڪار کسي فرار ٿي ويا. اطلاع ملڻ تي، ايس ايس پي سجاول فوري طور تي ڊي ايس پي سجاول جي اڳواڻي ۾ پنهنجي ذاتي ٽيم کي ايس ايڇ او سجاول، ايس ايڇ او جاتي انچارج سي آءِ اي ۽ انچارج پوسٽ مريد کھوسو سان گڏ وڏي نفري سان گڏ واقعي واري هنڌ موڪليو، جن فوري طور تي علائقي کي گهيري ۾ آڻي ڪار جي ڳولا شروع ڪئي ۽ ٻن ڪلاڪن جي مختصر عرصي ۾، نندي گونگري ۾ فرار ٿيندڙ ٻن جوابدارن کي گرفتار ڪيو ويو ۽ پريل ڪار ۽ ٻيو سامان برآمد ڪيو ويو. ان موقعي تي، ايس ايس پي سجاول سڄي ٽيم کي انهن جي ڪارڪردگي ۽ بروقت ۽ اثرائتي ڪارروائي لاءِ تعريفي سرٽيفڪيٽ ۽ نقد انعام ڏيڻ جو اعلان ڪيو.