جنگشاهي هيلٿ سينٽر ۾ پاڪ آرمي طرفان جنرل آفيسر ڪماڊنگ جي هدايت تي ڪيمپ لڳائي وئي

ڊاڪٽر دائود ھيلايو، ڊاڪٽر يعقوب خشڪ، ڊاڪٽر تاج محمد پليجو ۽ ٻين مريضن جو علاج ڪيو

ٺٽو (ڊ ر)پاڪ آرمي طرفان جنرل افيسر ڪماڊنگ 18 ڊويزن ميجر جنرل يحيٰ عثمان گوندل جي خاص ھدايتن تي 73 بٽالين پاران ھڪ روزہ مفت ميڊيڪل ڪئمپ رورل ھيلٿ سينٽر جنگشاھي ۾ ميجر محمد جري جي نگراني ۾ لڳائي ويئي، جنھن ۾ طبي ماھرن، ڊاڪٽر دائود ھيلايو، ڊاڪٽر يعقوب خشڪ، ڊاڪٽر تاج محمد پليجو، ڊاڪٽر احمد علي، ڊاڪٽر اڪبر علي پليجو، ڊاڪٽر اقبال پليجو، ڏندن جي سرجن ڊاڪٽر غلام سرور پاران 800 سئو کان وڌيڪ مريضن جو مفت چيڪ اپ، معائنو ڪري کين مفت دوائون ڏيڻ سميت شگر، مليريا ۽ ٻين بيمارين جون ٽيسٽون ڪري ڊيوٽي تي موجود ڊاڪٽرن پاران مريضن کي مختلف وچرندڙ بيمارين کان بچاء لاء اختيار ڪيل تدبيرن تي عمل ڪرڻ جون ھدايتون ڪندي انھن جي روڪٿام جي باري ۾ پڻ ڄاڻ ڏيئي، انھن جي رھنمائي ڪئي. ان موقعي تي آيل مريضن ۽ جنگشاھي پريس ڪلب جي ٽيم پاران پاڪ فوج جي ان ڪيل عوامي خدمت کي ساراھيندي چيو تہ اھڙيون مفت ميڊيڪل ڪئمپون لڳائڻ وارو قدم سٺو عمل آھي، اھڙيون ڪئمپون ٻين بہ علائقن ۾ لڳايون وڃن، ته جيئن اتان جا رھواسي اھڙين ڪئمپن مان ڀرپور فائدو حاصل ڪري پاڻ کي مختلف بيمارين کان محفوط رکي سگھن.