ملير: شاه لطيف ٽائون واسي معاذ جي قتل ڪيس ۾ نئون موڙ

معاذ 2ڏينهن کان گم هو، سندس بازيابي لاءِ عدالت ۾ درخواست به داخل ڪرائي وئي هئي

ملير (رپورٽ: عبدالرشيد مورجھريو) شاه لطيف ٽائون جي رهاڪو نوجوان معاذ جي قتل واري ڪيس ۾ نئون موڙ سامهون آيو آهي. معاذ گذريل ٻه ڏينهن کان گم هو، جنهن جي بازيابي لاءِ ايڊيشنل ڊسٽرڪٽ اينڊ سيشن جج جي عدالت ۾ درخواست داخل ڪئي وئي هئي، جنهن تي عدالت 8 آگسٽ 2025 جي تاريخ مقرر ڪئي.قانوني ذريعن موجب، معاذ مٿان اڳ ئي هڪ ڪيس هلندڙ هو، پر کيس ڦورو سڏڻ سراسر غلط قرار ڏنو ويو آهي، ڇاڪاڻ⁠تہ ڪيس جو فيصلو اڃا تائين ناهي ٿيو.پوليس اختيارين جو چوڻ آهي ته جنهن شخص معاذ کي قتل ڪيو آهي، ان خلاف قانوني ڪارروائي ڪئي ويندي. جيڪڏهن معاذ بيگناهه ثابت ٿيو ته انشاءَ الله کيس ضرور انصاف ملي سگهندو.ان واقعي تي سوشل ميڊيا تي به سخت ردعمل ڏسڻ ۾ آيو آهي. نامياري وڪيل ايڊووڪيٽ عبد اللطيف مگسي جو چوڻ هو ته معاذ سان جيڪو افسوسناڪ واقعو پيش آيو، ان جي وڌيڪ جاچ جاري آهي.ٻئي پاسي، عوامي حلقن طرفان به مطالبو ڪيو پيو وڃي ته جاچ شفاف طريقي سان ڪئي وڃي ۽ مقتول جي وارثن سان انصاف ڪيو وڃي.