نوشهرو فيروز ۾ ڊي آءِ جي شهيد بينظير آباد پرويز احمد چانڊيو پاران ماڊل ٿاڻي جو افتتاح

حڪومت ھڪ ڪروڙ روپيا جاري ڪيا جنھن مان نوشهرو فيروز ٿاڻي کي ماڊل تعمير ڪيو ويو آهي: ڊي آءِ جي پرويز احمد چانڊيو

نوشهرو فيروز (ڊ ر)ڊي آءِ جي شهيد بينظير آباد پرويز احمد چانڊيو ۽ ايس ايس پي روحل کوسو ماڊل ٿاڻي نوشهرو فيروز جو افتتاح ڪري ڇڏيو۔ ان موقعي تي ڊي آءِ جي شھيد بينظير آباد پرويز احمد چانڊيو ميڊيا سان ڳالهائيندي چيو ته سنڌ حڪومت شروعاتي طور سنڌ جي ھر ضلعي ۾ 3 ٿاڻا ماڊل ڪيا وڃن پيا۔ هن وقت ڊويزن شھيد بينظير آباد ۾ ھڪ سانگهڙ۔ نوشھرو فيروز ۽ شھيد بينظير آباد ۾ هڪ هڪ ٿاڻو ماڊل ڪيو ويو آهي اسان جي پوليس جوانن شڪايت ڪئي ته حڪومت اسان جي ٿاڻن جي ڪاب پرگھور نه ٿي لھي ان تي اسان آءِ جي صاحب کي لکيو ٿاڻڻ کي ڪجھ فنڊ ڏيو ته اتي ايندڙ ماڻھن کي ويھڻ جي جاءِ صحيح ملي يا ٿاڻي مقرر ٿيل عملو آفيسر صحيح ويهي سگهجن ۽ ايمانداري سان فرض ادا ڪري سگهن هن چيو ته حڪومت ھڪ ڪروڙ روپيا جاري ڪيا جنھن مان نوشهرو فيروز ٿاڻي کي ماڊل تعمير ڪيو ويو آهي ھاڻي اسان بجيٽ وڌرائي آهي ھن سال مورو۔ ڪنڊيارو ۽ محرابپور ٿاڻا ماڊل ٿيندا۔ ڊي آءِ جي وڌيڪ ڳالھائيندي چيو ته حڪومت پوليس جي جوانن لاء ھاڻي وڏيون سھولتون ڏنيون آھن ھر جوان کي ھيلٿ ڪارڊ ڏنو آهي جيڪي پاڻ پنھنجي ماءُ پيءُ پٽ ۽ ڀيڻ جو فري علاج ڪرائي سگهي ٿو ان کان علاوه جوانن لاء ٻي به وڏي سھولت آھي ڪو به پوليس جو جوان پنھنجي ٻار کي ڪيڊٽ ڪاليج ۾ سرڪاري خرچ تي پڙھائي سگھي ٿو اھا اسان جي جوانن کي خبر ئي ڪانه ھئي گذريل سال مان ميسيج ھلايو ته جيڪي به پوليس جوان ٻار ڪيڊٽ ڪاليج ۾ پڙھڻ چاھين ته ٻار وٺي اچن پوء انھن مان 55 ٻار آيا انھن کي ھڪ مھينو مان ھتي آفيس ۾ ٽيوشن ڏياري جڏھن انٽرويو ۾ ويٺا 24 سليڪٽ ٿي ويا انھن جو مھينو 8,لک روپيا خرچ آهي جيڪو سنڌ حڪوت ڀريندي ھاڻي پوليس جي جوانن کي کپي ته ايمانداري سان ڊيوٽي ڪن صحافين سوال ڪيو ته امن امان تمام خراب آھي ان جو جواب ڏيندي چيو ته روحل صاحب بهترين آفيسر آهي انشا الله تعالي جلد امن بحال ٿيندو نوشھرو فيروز سان وڏو الميو اھو آھي ته ڪوبه ايس ايس پي ھتي رھي نه ٿو سگھي گذريل چئن مهينن ۾ 3 ايس ايس پي بدلي ٿيا آهن ان سبب جي ڪري به ڏوهارين کي اسپيس مليو آهي امن امان لاء ھتان جا رهواسي۔ صحافي۔ وڏيرا۔ ڀوتار به ڪو ڪردار ادا ڪن ته امن ٿي سگھي ٿو۔ پر ڪو به سچائي نه ٿو ڏيکاري ايس ايس پي روحل کوسو چيو ته مان کوسن وارو مسئلو حل ڪيو باقي به ھل ٿي ويندا۔ تمام جلد ڏوهارين جو نيٽ ورڪ ٽوڙي امن بحال ڪنداسين۔