ڍورونارو ۾ ثقافتي راند ٻيلاڙو، ملاکڙو ۽ ٻين راندين جو سرگرميون جاري

عمرڪوٽ(ڪانجي مل رکيسر)ڍورونارو ۾ ثقافتي راند جا شاندار مقابلا ثقافتي راند ٻيلهاڙو ملاکڙو ۽ ٻين راندين جو سرگرميون اڄ به قائم، قبرستان سيھڙ فقير جي درگاھ لڳ ڍورونارو ۾ هر سال جيان هن سال شاندار ثقافتي تقريب "ٻيلاڙي" جي نالي سان ٿيندي آهي، جيڪا مقامي روايتن، ميل ملاپ ۽ راندين جي خوبصورت مظاهري جو مرڪز بڻيل آهي علائقي جا ڪيترائي شوقين ثقافتي راند ڏسڻ لاءِ پري پري پنڌ ڪريو پھچن ٿا، ثقافتي راند ڪرائيندڙ چيف خليفو فيض چوپاڻ ۽ خان راجڙ ۽ ٻين چيو ته هن راند جي تقريب جو مرڪزي هنڌ قبرستان سيھڙ آهي، جتي اڇڙي ٿر ۽ ناري سميت ڀرپاسي وارن علائقن مان ماڻهو وڏي تعداد ۾ شرڪت ڪن ٿا. ٻيلهاڙي، گابڙي راند نه رڳو مقابلي جو ميدان آهي، پر اها همٿ، جرئت، اتحاد ۽ ثقافتي سڃاڻپ جو اظهار ڪندي آهي، علائقي واسين جو چوڻ آهي ته ثقافت کاتي کي گھرجي علائقي ۾ اهڙيون ثقافتي رانديون ڪرائي راندين واريون سرگرميون بحال ڪيون وڃن ٻئي پاسي سيھڙ فقير جو گادي نشين فقير محمد عثمان منڱريو سيھڙ فقير جي درگاھ تي حاضري ڀري چادر چاڙهي اجتماعي دعا گهري نگر ورھايو ويو