پ پ جي دوستن کي چئي چڪو آهيان ته اجايو خرچ ڪيو پيو وڃي، اسان ڀڄڻ وارا ناهيون: غلام مرتضيٰ جتوئي

لنجار هائوس باهه ڪيس، جتوئي ڀائر اي ٽي سي نوشهروفيروز ۾ پيش، سيڪيورٽي سخت

نوشهروفيروز (ڊ ر) مورو ۾ لنجار هائوس ساڙڻ واري ڪيس نمبر 72 ۾ جتوئي ڀائر اڳوڻو وفاقي وزير غلام مرتضي جتوئي ۽ سندس ڀاءُ اڳوڻي صوبائي وزير مسرور خان جتوئي دهشتگردي ٽوڙ عدالت ۾ پيش عدالت وڪيلن جا دليل ٻڌڻ بعد ٻڌڻي 11 آگسٽ تائين ملتوي ڪري ڇڏي آهي جڏهن ته عدالت ٻاهران ٽن ضلعن جي پوليس پهتل ايس ايس پي نوابشاهه ۽ ايس ايس پي سانگهڙ به عدالت ٻاهران بيٺل سيڪيورٽي جا انتظام انتهائي سخت ڪيا ويا عدالت ڏانهن ايندڙ ويندڙ رستا به سيل ڪيا ويا هئا ھوڏانھن ٻئي طرف ميڊيا سان ڳالهائيندي اڳوڻي وفاقي وزير غلام مرتضي جتوئي چيو آهي ته اڳ ۾ گرفتاري ڏني هئي هاڻي به گرفتار ڪيو ويو ته ان لاءِ به تيار آهيون پيپلزپارٽي جي دوستن کي مشورو ٿو ڏيان ته هو پوليس تي سرڪار جو پئسو نه وڃائين اهو پئسو ڪنهن چڱي جاء تي خرچ ڪن باقي جنهن ڏينهن گرفتار ڪرڻو اٿو ان ڏينهن 20 پوليس اهلڪار به کوڙ آهن گرفتاري جنهن ڏينهن ڏيڻي هوندي ته ڏبي ڪيس سڀئي ڪوڙا داخل ٿيل آهن هڪ به سچو ڪيس ناهن جنهن منهن ڏيندا پيا اچون تشدد جي سياست ڪڏهن به ناهي ڪئي اسان روادار ماڻهو آهيون سياست جي رواداريءَ کان چڱي طرح واقف آهيون ڊيچارڻ جي ڪوشش نه ڪئي وڃي جيڪڏهن ڀڃي وڃڻو هجي هان ته ٻين دوستن وانگر ملڪ کان ٻاهر هجون ها