ملير: رزاق آباد جي غريب آباد سميت مختلف پاڙن ۾ منشيات جو وڪرو جاري

ملير (رپورٽ: عبدالرشيد مورجھريو)رزاق آباد جي غريب آباد پاڙي سميت مختلف پاڙن ۾ منشيات جو وڪرو ۽ واهپو وڌي ويو، آئيس، چرس، هيروئن، گٽڪي سميت صحت لاءِ هاڃيڪار منشيات جو کلي عام وڪرو جاري، سرڪاري پرائمري اسڪول، ڪميونٽي سينٽر، ڪمپائونڊ ۾ اڏا قائم، شاھ لطيف پوليس جي نڪ هيٺان منشيات هلڻ لڳي علائقي واسين موجب، شام ٿيندي ئي منشيات فروشن ۽ واپرائندڙن جا ٽولا اسڪول ۽ صحت مرڪز جي ڪمپائونڊ ۾ اچي گڏ ٿين ٿا، جتي ٽوليون ٺاهي شهيد بختاور صحت مرڪز ۽ پرائمري اسڪول ڪمپائونڊ جي احاطي اندر نشو واپرائين ٿا ان صورتحال سبب نه رڳو تعليمي ۽ صحت مرڪز جو ماحول متاثر ٿي رهيو آهي پر نوجوان نسل تيزيءَ سان نشي جي لت ۾ مبتلا ٿي رهيو آهي سماجي ۽ سياسي اڳواڻن سليمان شاهه، ولي محمد گبول، اسلم شاهه، اقبال ڪلمتي ۽ ٻين الزام هنيو آهي ته منشيات فروش ڪجهه پوليس اهلڪارن جي سرپرستي هيٺ هي ڏوهاري عمل جاري رکيو ويٺا آهن سندن چوڻ آهي ته منشيات وڪرو ڪندڙ ڪنهن به معزز شخصيت يا علائقي اڳواڻ جي ڳالهه ٻڌڻ ۽ مڃڻ لاءِ تيار ناهن، ۽ جڏهن کين منع ڪئي وڃي ٿي ته بااثر منشيات فروش علائقي جي سادن ماڻهن کي ڪوڙين ايف آءِ آرن ۾ ڦاسائڻ جون ڌمڪيون ڏين سان گڏوگڏ بليڪ ميل ڪري ڀتو به وصول ڪن ٿا هنن وزيراعليٰ سنڌ، آءِ جي سنڌ ۽ ايس ايس پي ملير کان مطالبو ڪيو آهي ته هو فوري نوٽيس وٺن۽ رزاق آباد جي پاڙي غريب آباد ۾ موجود آئس، چرس ۽ هيروئن جي اڏن سميت سرڪاري ڪميونٽي سينٽر ڪمپائونڊ ۾ قائم منشيات جي اڏن جو خاتمو ڪن، ۽ پوليس اندر موجود سهولتڪارن خلاف سخت ڪارروائي ڪئي وڃي ته جيئن نوجوان نسل کي نشي جي تباهي کان بچائي سگهجي