ڏوڪري ڀرسان مختلف ڳوٺن ۾ پاڻي کوٽ خلاف احتجاجي مظاهرو

بکوديرو، موسيٰ ميتلو، جمعو ميتلو، حڪيم سنديلو ۽ ٻين ڳوٺن ۾ پاڻي ختم نه ٿي

ڏوڪري (اطهر ميمڻ) ڏوڪريءَ ڀرسان ڳوٺ بکوديرو موسو ميتلو، جمعو ميتلو،حڪيم سنديلو جي ڳوٺاڻن دادو ڪئنال ۾ پاڻي جي کوٽ خلاف احتجاج ڪيو آهي.ڳوٺاڻن غلام محي الدين مڱڻ،قمر الدين ميتلي، رسول بخش چني ۽ ٻين احتجاج ڪندي چيو ته بکوديرو مائينر ۾ پاڻي جي کوٽ سبب سوين ايڪڙن تي پاڻي جي کوٽ آهي جنهن ڪري سارين جو ٻيجارو به سڙي رهيو آهي. ھنن چيو ته ايريگيشن انجنيئر ۽ آفيسر رشوت وٺي دادو کي پاڻي ڏيڻ لاءِ سونهري ريگيوليٽر جا دروازا مٿي ڪري ڇڏيا آهن. ھنن چيو ته آبڪلياڻي جي موسم جاري آهي پر ان مد ۾ ملندڙ رقم خرچ ڪرڻ بجاءِ آبپاشي انجنيئر ۽ ٻيا آفيسر ملي ڀڳت ڪري ڪرپشن ڪري رهيا آهن، دادو ڪئنال تي ڪو ڪم ناهي ڪيو ويو. ھنن مطالبو ڪندي چيو ته ساريالي فصل لاءِ پاڻي ڏئي آبڪلياڻي ۾ ڪيل ڪرپشن جي انڪوائري ڪئي وڃي.