وڏي وزير جو خاص معاون راجوير سنگھ سوڍا پٺتي پيل طبقي کي قانوني سھڪار فراھم ڪرڻ تي زور ڏنو
ڪراچي (اسٽاف رپورٽر) ڪراچي ۾ آمريڪي پرڏيھي کاتي جي سھڪار سان انٽرنيشنل وزيٽر ليڊرشپ پروگرام امپيڪٽ ايوارڊ 2025 تحت قانوني تربيتي ورڪشاپ ڪوٺايو ويو، جنھن ۾ وڏي وزير سيد مراد علي شاھ جي انساني حقن واري کاتي بابت خاص معاون راجوير سنگھ سوڍا خاص مھمان طور شرڪت ڪئي، ڪراچي جي خانگي ھوٽل ۾ منعقد ورڪشاپ جي قيادت سينيئر قانوني ماھر ايڊووڪيٽ سفيہ لاکو ڪئي، ورڪشاپ ۾ مختلف بار ايسوسيئيشنز سان لاڳاپيل ھڪ سئو کان وڌيڪ وڪيلن شرڪت ڪئي، آمريڪا، نائيجيريا، اسواتيني ۽ پاڪستان جي نامور قانوني ماھرن ۽ سينيئر وڪيلن خطاب ڪيو، ان موقعي تي پنھنجي خطاب ۾ خاص معاون راجوير سنگھ سوڍا آمريڪي پرڏيھي کاتي طرفان قانوني ادارن سان لاڳاپن، شھري ۽ سياسي حقن کي ھٿي وٺرائڻ وارين ڪاوشن کي ساراهيو، ھن پٺتي پيل طبقي کي قانوني سھڪار فراھم ڪرڻ تي زور ڏنو، راجوير سنگھ سوڍا سنڌ ھيومن رائٽس پاليسي 2023-2027 تي به ڳالھيون ڪيون، ورڪشاپ جي آخر ۾ وڏي وزير سيد مراد علي شاھ جي خاص معاون راجوير سنگھ سوڍا آيل مھمانن کي سرٽيفڪيٽ پڻ ڏنا.
0 تبصرے