ٺٽو: شهيد مشتاق خاصخيلي جي 16هين ورسي، ڀيٽا پيش

جيئي سنڌ قومي محاذ جي چئيرمين صنعان قريشي ساٿين سان گڏ شهيد مشتاق خاصخيلي جي مزار تي حاضري ڀري

ٺٽو(ڊ ر) شهيد مشتاق خاصخيلي جي 16هين ورسي جئي سنڌ قومي محاذ پاران ڀيٽا پيش ڪئي وئي جيئي سنڌ قومي محاز جي چئيرمين صنعان خان قريشي پھنجي ساٿين سان گڏ سندس مزار تي حاضري ڀري، گلن جي چادر چاڙهي وئي ۽ قومي ترانو پڙهي شهيد کي ڀيٽا پيش ڪئي وئي.ان موقعي تي وائيس چيئرمين سرور خشڪ غلام نبي کٽي جساف اڳواڻ فرھاد چانڊيو مالڪ بروھي باغي خان محمد پالاري شمس جوکيو مظھر بروھي شھزاد بروھي سميت وڏي انگ ۾ ڪارڪنن شرڪت ڪئي. اڳواڻن شهيد جي جدوجهد کي ڀيٽا پيش ڪندي چيو ته شهيد مشتاق خاصخيلي سنڌ جي آزاديءَ لاءِ پنهنجي جان جو نذرانو ڏئي امر بڻجي ويو، جنهن جي قرباني هميشه ياد رکي ويندي. اڳواڻن وڌيڪ چيو ته شهيدن جي رستي تي هلندي، جيئي سنڌ قومي محاذ پنهنجي جدوجهد کي جاري رکندي ۽ سنڌ جي قومي حقن جي حاصلات لاءِ پنهنجو ڪردار ادا ڪندي رهندي. ان موقعي تي صحافين سان ڳالهائيندي چئيرمين صنعان قريشي مرف ۽ ملڪ آدم خلاف چيو تہ ضلعي جي وڏي اسپتال سول اسپتال مڪلي ۾ سندن ڪارڪردگي مڪمل ناڪام ٿي چڪي آهي جنھن ۾ دوائون وڪڻڻ مريضن سان بدسلوڪي ڪرڻ ڊائلاسز سينٽر ۾ نان ٽيڪنيڪل عملي طور ڪم ڪندڙن خلاف جلد ڪارروائي ڪئي وڃي ان جدوجھد ۾ جئي سنڌ قومي محاذ ايوان صحافت ٺٽو جي سموري سٿ سان گڏ آھي..