ملير ۾ مگسي برادري پاران نوجوان کي مبينا کنڀي گم ڪرڻ خلاف احتجاج

شهدادپور پوليس عدالت ويندڙ اعجاز مگسي کي کنڀي گم ڪري ڇڏيو آهي: مظاهرين

ملير (عبدالرشيد مورجھريو)ملير ۾ رهندڙ مگسي برادري جي خاندان شهداد پور پوليس طرفان عدالت ويندڙ نوجوان اعجاز مگسي کي کنڀي کڻي گم ڪرڻ خلاف عوامي پريس ڪلب اڳيان احتجاجي مظاھرو ڪري ڌرڻو هنيو مظاھري ۾ نوجوان اعجاز مگسي جي امڙ پيء ۽ گهر ڀاتين شرڪت ڪندي نوجوان جي آزادي لاء سخت نعريبازي ڪئي ان موقعي تي اعجاز مگسي جي والد فيض محمد مگسي امڙ سبحانه مگسي ۽ ٻين صحافين سان ڳالهائندي چيو ته شهدادپور جي بااثرن جي چرچ تي پوليس اسان خلاف رڻ ٻاري ڏنو آھي اعجاز جو ڏوھ اهو آھي ته هن وڏيرن جي نوڪري ڪرڻ کان انڪار.ڪيو آھي جنهن خلاف ڪوڙا ڪيس مڙھي کيس گرفتار ڪري تشدد ڪيو پيو وڃي نوجوان جي امڙ روئندي ٻڌايو ته وڏيرن ۽ پوليس جي ظلم کان شهداد پور ڇڏي ڪراچي جي ملير ضلعي ۾ اچي آباد ٿيا آھيون پر وڏيرا پوء به اسان جي پٺ نٿا ڇڏين هنن آئي جي سنڌ سميت اعلي اختيارين کي اپيل ڪئي ته انتقامي ڪاروائين تحت گرفتار ڪيل اعجاز مگسي کي فوري آزاد ڪري اسان سان انصاف ڪيو وڃي