نوشهروفيروز آل پاڪستان لوڪل گورنمينٽ ورڪر فيڊريشن ۽ مزدرو يونين پاران احتجاج

ڪراچي ۾ جائز مطالبن جي مڃتا لاءِ احتجاج ڪندڙ ملازمن تي تشدد ۽ سندن گرفتارين جي مذمت

نوشهروفيروز (ڊ ر) ڪراچي ۾ جائز مطالبن جي مڃتا لاءِ احتجاج ڪندڙ ملازمن تي تشدد ڪرڻ ۽ گرفتارين خلاف آل پاڪستان لوڪل گورنمينٽ ورڪر فيڊريشن ۽ مزدرو يونين ميونسپل ڪاميٽي پاران پريس ڪلب آڏو احتجاجي مظاهرو ڪيو ويو جنهن جي اڳواڻي ڪشن راجا، عمران راڄپر، مولابخش شيخ، جاويد شيخ قلندر بخش شيخ ۽ ٻيا ڪري رهيا هئا جن نعريبازي به ڪئي ان موقعي تي ميڊيا اڳيان دانهيندي چيو ڪراچيءَ ۾ جائز حقن جي حاصلات لاءِ احتجاج ڪندڙ ملازمن تي تشدد ۽ گرفتارين جي اسان سخت لفظن ۾ مذمت ڪيون ڪريون ٿا جيڪا ملازمن سان وڏي زيادتي آهي هنن چيو ته گرفتار اڳواڻن ذوالفقار شاھ، علي مردان شيخ سميت ملازمن کي جلد کان جلد آزاد ڪري سندن جائز مطالبا مڃيا وڃن ٻي صورت ۾ سڄي سنڌ اندر احتجاجي تحريڪ هلائي ويندي جنهن ذميواري سنڌ گورنمينٽ تي هوندي