عمرڪوٽ ۾ ڪرڪيٽ ٽورنامينٽ جاري، وھرو اسٽائڪر طرفان وھرو فائٽر کي شڪست

عمرڪوٽ(رپورٽ:ڪانجي مل رکيسر) عمرڪوٽ ٽورنامينٽ جا شاندار مقابلا جاري، وھرو اسٽائڪر طرفان وھرو فائٽر کي شڪست خبر موجب عمرڪوٽ ۾ مرحوم فقير جادم منڱريو جي ياد ۾ ھلندڙ ڪرڪيٽ ٽورنامينٽ جا بھترين مقابلا جاري آھن گذريل ڏينھن ٿيل دلچسپ ميچ ۾ وھرو اسٽائڪر ۽ وھرو فائٽر وچ ۾ مقابلو ٿيو وھرو فائٽر ٽاس کٽي وھرو اسٽائڪر کي بيٽنگ جي دعوت ڏني جڏھن ته وھرو اسٽائڪر ڪلب مقرر 10 اورن ۾ بيسٽ مين اويس احمد ڪنڀر جي 93 رنسن جي بھتر ڪارڪردگي سان 158 جو ٽارگيٽ ڏنو جواب ۾ وھرو فائٽر ڪلب پنھنجي ڪافي ڪوششن باوجود به 10 اورن ۾ 114 رنسن تي ڍير ٿي ويئي وھرو فائٽر کي 44 رنسن سان شڪست نصيب ٿي جڏھن ته 93 رنسن ڏيندڙ اويس احمد ڪنڀر کي ايم ايس ايف جي صوبائي ڊپٽي جنرل سيڪريٽري فقير محب منڱريو طرفان مين آف دي ميچ ايوارڊ ڏنو ۽ شائقينن طرفان اويس احمد کي ڀرپور داد ڏنو ويو