ملير: شاهه لطيف ٿاڻي جي حدن ۾ منشيات واپرائيندڙن خلاف ڪريڪ ڊائون، ڪيترائي گرفتار

ڪارروائي دوران پوليس ڪيترائي نشي جا عادي گرفتار ڪري بحالي مرڪزن ڏانهن منتقل ڪري ڇڏيا

ملير (عبدالرشيد مورجھريو) ملير پوليس پاران شاهه لطيف ٿاڻي جي حدن ۾ منشيات وڪرو ڪندڙن ۽ نشي جي عادي ماڻهن خلاف هڪ منظم ۽ مؤثر ڪارروائي ڪئي وئي آهي. پوليس ترجمان موجب، آپريشن دوران پوليس ٽيمون اڳواٽ طئي ٿيل حڪمت عملي تحت علائقي کي گهيري ۾ آڻي سرچ آپريشن ڪيو.ڪارروائي دوران اهڙا ڪيترائي ماڻهو گرفتار ڪيا ويا جيڪي نه رڳو پاڻ نشو ڪندا هئا پر ٻين تائين به هي زهر پهچائڻ ۾ ملوث هئا. گرفتار ٿيل ماڻهن کي قانوني ڪارروائي کان پوءِ بحالي مرڪزن ڏانهن منتقل ڪيو پيو وڃي، جتي سندن ذهني ۽ جسماني صحتيابي لاءِ قدم کنيا ويندا.پوليس پاران آپريشن دوران عوامي سطح تي آگاهي مهم پڻ هلائي وئي، جنهن تحت شهرين کي منشيات جي نقصانن بابت آگاهي ڏني وئي. پوليس پاران والدين ۽ نوجوانن کي اپيل ڪئي وئي ته هو نشي کان پاسو ڪن ۽ پنهنجي زندگيءَ کي روشن بڻائين.