ڀرياسٽي جي برسات متاثرين عورتن کي مالڪاڻن حقن جون سندون ڏيڻ واري تقريب

تقريب ۾ مھمان خاص پ پ ايم پي اي سيد حسن علي شاھ ۔ چيئرمين ڊسٽرڪٽ ڪائونسل سھيل اختر عباسي ۽ ٻيا به شريڪ

نوشهرو فيروز ( ڊ ر ) ڀرياسٽي جي علي پيلس ھال ۾ سنڌ حڪومت جي پيپلز ھائوسنگ سپورٽ پروگرام تحت سافڪو پاران تعلقي ڀريا ۾ 2022 جي 137 برسات متاثرين ۾ تعمير ٿيل گھرن جا عورتن کي مالڪاڻا حقوق تحت جون سندون ڏيڻ واري شاندار تقريب ڪوٺائي وئي ۔ تقريب کي مھمان خاص پ پ پ ايم پي اي پي ايس 33 سيد حسن علي شاھ ۔ چيئرمين ڊسٽرڪٽ ڪائونسل سھيل اختر عباسي ۔ ايڊيشنل ڊپٽي ڪمشنر ون صدام حسين ميمڻ ۔ اسسٽنٽ ڪمشنر ڀريا شاھد حسين سرڪي ۔ سي اي او سافڪو سپورٽ پروگرام بشيراحمد ابڙو ۽ ٻين خطاب ڪندي چيو ته پاڪستان پيپلز پارٽي جي چيئرمين بلاول ڀٽو زرداري پنھنجي ناني شھيد ذوالفقار علي ڀٽو جي ڏنل نعري روٽي ۔ ڪپڙا اور مڪان جي نالي سان ڏنل پروگرام جي تڪميل ڪندي عوام جي ڀلائي لاء ميگا رول ماڊل پروجيڪٽ شروع ڪري سنڌ ۾ 2022 جي ٻوڏ ۽ برساتن ۾ جيڪو نقصان ٿيو ان جي ازالي لاء سنڌ حڪومت سافڪو سان گڏجي پبلڪ پارٽنرشپ تحت گھر ٺھرائي پئي ڏيئي جنھن جو مثال پاڪستان سميت سڄي دنيا ۾ نٿو ملي ۔ ضلع اندر ھڪ لک 43 ھزار گھر سال 27 ۔ 2026 تائين مڪمل ٿي ويندا ۔ ڀريا تعلقي اندر 28 ھزار 76 گھرن مان 9 ھزار 15 گھر مڪمل تيار ٿي چڪا آھن ۔ 16 سؤ گھرن جو سندون تيار آھن ۔ اڄ 137 ٻوڏ متاثرن ۾ سندون تقسيم ڪري کين مالڪاڻا حق ڏنا پيا وڃن ۔ بلاول ڀٽو زرداري جي ھن ويزن جي پاڪستان نه رڳو پوري دنيا ۾ ساراھ ٿي رھي آھي ۔ اسان جي ليڊرشپ ٻه وڏا رول ماڊلز ھڪ بينظير انڪم سپورٽ پروگرام ۽ ٻيو ھي پروگرام جيڪو وڏو ڪارنامو آھي ۔ جنھن تحت غريب عورتن کي ماھنا وظيفو ملي رھيو آھي ۔ جنھن جو ڪريڊٽ پ پ پ حڪومت کي وڃي ٿو ۔