ٺٽي ۾ صحافين پاران ايس ايڇ او مبين پرهياڙ خلاف احتجاج

عوامي پريس ڪلب جي صدر بلاول سمون جي ڪردارڪشي ڪرڻ خلاف احتجاج ڪيو ويو

ٺٽو( محمد شفيق ڀٽي) عوامي پريس ڪلب ٺٽو اڳيان ڌابيجي جي ڪرپٽ، منشيات فروشن جي سھولت ڪار،لينڊگريبر ۽ اغوا برائي تاوان ۾ ملوث ۽ عوامي پريس ڪلب جي صدر بلاول سمون جي ڪردار ڪشي ڪندڙ ايس ايڇ او مبين پرھياڙ خلاف ھڪ ڀرپور احتجاجي مظاھرو ڪيو ويو،جنھن ۾ عوامي پريس ڪلب جي صحافين کان علاوہ ايوان صحافت مڪلي جو سرپرست نظير قريشي، صدر اڪبر دلواڻي پنھنجي دوستن سميت شريڪ ٿيو، جڏھن تہ گھارو مان سينيئر صحافي ممتاز لاشاري،ٻوھارا مان سينيئر صحافي عزيز سومرو،ٺٽي جو صحافي اسد سبزپوش، روزاني ڪوشش اخبار جو حسن عباس، سماجي اڳواڻ صالح خانيو،مظھر جکھڙ،ايس ايڇ او مبين پرھياڙ جي ظلمن جو شڪار محمد بلوچ،سيد انور شاھ،اڪبر ڪڇي پڻ شريڪ ٿيا ۽ مٿن ظلمن جا داستان ٻڌايا،ان موقعي تي مظاھرين ھٿن ۾ شيٽون کڻي ايس ايڇ او مبين پرھياڙ کي ھٽائڻ لا زوردار نعرا ھنيا،ان موقعي تي ايوان صحافت جي صدر اڪبر دلواڻي ۽ روزانہ ڪوشش اخبار جي رپورٽر حسن عباس، سينيئر صحافي شبير مانجھد پنھنجي خطاب ۾ عوامي پريس ڪلب جي بلاول سمون سان يڪجھتي جو اظھار ڪندي فوري طور ڪرپٽ ايس ايڇ او ڌابيجي مبين پرھياڙ کي ھٽائڻ جو مطالبو ڪيو،ان موقعي تي عوامي پريس ڪلب جي صدر بلاول سمون پنھنجي خطاب ۾ چيو تہ ايس ايڇ او ڌابيجي مبين پرھياڙ ھڪ ڪرپٽ، منشيات جون لائينون ھلائيندڙ،لينڊ گريبنگ ۾ ملوث ھئڻ سان گڏ چوري شدہ ڊيزل پئٽرول جون ايجنسيون ھلائيندڙ ۽ اغوا برائي تاوان ۾ ملوث آھي، ھن پنھنجو ٿاڻو ھڪ پرائيويٽ فرنٽ مين حاجن ڏاھري حوالي ڪري ڇڏيو آھي،جيڪو سڀ ڪم ڪري ٿو،ھن چيو تہ اسان جي جدوجھد کان کان پو ايس ايس پي ٺٽو پاران ورتل ايڪشن ۾ سڀ ڳالھيون سچ ثابت ٿي چڪيون آھن،غيرقانوني آئل ڊيپو بہ ظاھر ٿي چڪو آھي، گٽڪا ماوا ۽ منشيات بہ ثابت ٿي چڪي آھي،اغوا برائي تاوان وارا معاملا بہ پڌرا ٿي چڪا آھن،پراين پلاٽن، زمينن تي قبضا بہ ثابت ٿي چڪا آھن، ان ڪري اعلا اختيارين کي فوري طور ڪرپٽ ايس ايڇ او مبين پرھياڙ کي ڊسمس فرام سروس ڪيو وڃي ٻي صورت ۾ احتجاجي دائرو اڃا بہ وسيع ڪيو ويندو