ایم کیو ایم کو اجرک فوبیا ہوگیا ہے۔ اجرک نہ صرف سندھ بلکہ پورے برصغیر کی پہچان ہے، سمعتا افضال سید

آج جنوبی ایشیا کا بچہ بچہ اجرک کی اہمیت سے واقف ہے، سندھ حکومت کی ترجمان

کراچی: سندھ حکومت کی ترجمان سمعتا افضال سید نے فاروق ستار کے بیان پر ردعمل ديتے هوئے کها هئے که ایم کیو ایم کو اجرک فوبیا ہوگیا ہے۔ اجرک نہ صرف سندھ بلکہ پورے برصغیر کی پہچان ہے، اجرک اس خطے کی ہزاروں سال پرانی ثقافت اور انسانی تہذیب کی علامت ہے، موہن جو دڑو کے آثار قدیمہ سے لے کر آج کے جدید سندھ تک اجرک ہماری شناخت کا لازمی حصہ رہی ہے،
آج جنوبی ایشیا کا بچہ بچہ اجرک کی اہمیت سے واقف ہے، ہماری ثقافت پر حملہ دراصل سندھ کے عوام کی اجتماعی شناخت پر حملہ ہے،سندھ کی ثقافت پر انگلی اٹھانے والے جان لیں کہ اجرک ہماری محبت، ہماری پہچان اور ہماری غیرت ہے۔ اس پر کوئی سمجھوتہ نہیں ہوگا، سندھ کی ثقافت پر انگلی اٹھانے والے جان لیں کہ اجرک ہماری محبت، ہماری پہچان اور ہماری غیرت ہے۔ اس پر کوئی سمجھوتہ نہیں ہوگا،
ایم کیو ایم کے پاس اب کوئی سیاسی بیانیہ نہیں بچا، کبھی ہماری قیادت کو نشانہ بناتے ہیں اور کبھی ہماری ثقافت پر وار کرتے ہیں، یہ ناکام سیاست کی علامت ہے، سندھ کے عوام اپنی ثقافتی ورثے کی حفاظت کرنا جانتے ہیں اور ایسی تنگ نظری کو ہر فورم پر رد کریں گے، آنحضرت ﷺ کو بھی ازرک یعنی اجرک بہت پسند تھی، جس کا ذکر اسلامی روایات میں بھی موجود ہے،
ایم کیو ایم کا موجودہ رویہ نہ صرف سیاسی پستی کی عکاسی کرتا ہے بلکہ یہ سندھ دشمن سوچ کا کھلا ثبوت ہے، جن نمبرز پلیٹس پر اعتراض ہو رہا ہے، وہ readable ہیں، اور ان کی مدد سے آسانی سے کسی بھی گاڑی کی اصل یا جعلی شناخت کی پہچان ممکن ہوگی، یہ اقدام جرائم کی روک تھام میں مدد دے گا اور شہریوں کے تحفظ کو یقینی بنائے گا، ایم کیو ایم کو مشورہ ہے کہ وہ نفرت اور تعصب کی سیاست چھوڑ کر سندھ کے عوام کی حقیقی خدمت کرے،