مخالف ڀلي ڪيترا به واويلا ڪن پر کيس عوام رد ڪري چڪو آھي: نواب تيمور ٽالپر جو جلسي کي خطاب

عمرڪوٽ ۾ پ پ مينارٽي ونگ جو جلسو، جيئي ڀٽو جي نعرن جي گونج

عمرڪوٽ(رپورٽ:ڪانجي مل رکيسر) عمرڪوٽ ۾ مينارٽي ونگ طرفان اين اي 213 تي ٿيندڙ ضمني چونڊ جي حوالي سان وڏو جلسو، عوام جي وڏي انگ ۾ شرڪت، جيئي ڀٽو ۽ جيئي شھيد راڻي محترمه بينظير ڀٽو جي نعرن جي گونجار خبر موجب پاڪستان پيپلز پارٽي منارٽي ونگ ڊويزن ميرپورخاص جي صدر رميش ڏيون ڪمار مالھي طرفان ضمني چونڊ NA 213 جي حوالي سان ڊي ڪي ٽائون عمرڪوٽ تي جلسو منعقد ڪيو ويو جنھن ۾ پ پ ايم پي اي راڻا ھمير سنگھ سوڍو، ايم پي اي نواب تيمور ٽالپر، پ پ ايم پي اي سيد امير علي شاھ، رميش ڏيون ڪمار مالھي، ڊاڪٽر اشوڪ ڏيون ڪمار، روي رميش ڪمار مالھي، رتن مالھي، بنسي مالھي، اوم پرڪاش سنڀواڻي سميت ٻين پ پ جي مک اڳواڻن، ڪارڪنن شھر جي معززين وڏي انگ ۾ شرڪت ڪئي جلسي جي موقعي تي عوامي ميڙ کي خطاب ڪندي پ پ ايم پي اي راڻا ھمير سنگھ سوڍو چيو ته پ پ اميدوار کي عوام 17 اپريل تي تير تي ٺپو ھڻي وڏي اڪثريت سان ڪامياب ڪندي ايم پي اي نواب تيمور ٽالپر چيو ته پ پ عوامي پارٽي آھي ۽ مخالفن کي شڪست نصيب ٿيندي مخالف ڀلي ڪيترا به واويلا ڪن پر کيس عوام رد ڪري چڪو آھي ايم پي اي سيد امير علي شاھ چيو ته پيپلز پارٽي عوامي جمھوري پارٽي آھي ۽ پ پ جي اميدوار کي وڏي ليڊ سان ڪاميابي ملندي ان موقعي تي پ پ مينارٽي ونگ ڊويزن ميرپورخاص جي صدر رميش ڏيون ڪمار مالھي چيو ته پيپلز پارٽي واحد اھا پارٽي آھي جنھن ھميشه اقليتي برادري جو تحفظ ڪيو آھي ۽ پ پ اميدوار کي اڪثريت سان ڪاميابي ملندي جڏھن ته جلسي ۾ شريڪ عوام طرفان جيئي ڀٽو جيئي شھيد راڻي محترمه بينظير ڀٽو جي نعرن جي گونجار ھئي