کراچی: نرسری کے قریب ہوٹل سے خاتون کی برہنہ اور لیاری سے خاتون کی پھندا لگی لاش برآمد

کراچی: ہوٹل سے بیوی کی برہنہ لاش برآمد، شوہر فرار؛ لیاری سے خاتون کی پھندا لگی لاش ملی نجی ہوٹل سے بیوی کی برہنہ لاش برآمد ہوئی، جس کا شوہر جائے واردات سے فرار ہوگیا جب کہ لیاری کے علاقے سے بھی خاتون کی پھندا لگی لاش ملی۔ پولیس کے مطابق شہر میں مختلف علاقوں سے 2 خواتین کی لاشیں ملیں۔ شاہراہِ فیصل نرسری کے قریب نجی ہوٹل کے کمرے سے خاتون کی لاش ملی، جس کی شناخت 35 سالہ ارم زوجہ عادل کے نام سے کی گئی۔ خاتون کو گلے پر تیز دھار آلے کا وار کرکے قتل کیا گیا۔ حکام کے مطابق ٹیپو سلطان تھانے کی حدود میں واقع نجی ہوٹل کے کمرے سے چیخ و پکار اور لڑائی جھگڑے کی آوازیں آئیں، جس کے بعد انتظامیہ کمرے میں پہنچی تو اندر خاتون کی لاش برہنہ حالت میں موجود تھی جب کہ ملزم جائے وقوع سے فرار ہوچکا تھا۔ پولیس کو فوری اطلاع دی گئی، جس پر پولیس نے پہنچ کر لاش تحویل میں لے کر جناح اسپتال روانہ کی۔ حکام نے بتایا کہ مقتولہ خاتون گزشتہ شام کوایک شخص کے ہمراہ نجی ہوٹل آئی تھی، مذکورہ شخص خاتون کا سابق شوہر تھا ، سابق شوہر نے ہی خاتون کو تیز دھار آلے سے قتل کیا ہے، ملزم کی گرفتاری کے لئے صدر، سٹی کالونی، برنس روڈ اور آئی آئی چندریگر روڈ پر چھاپے مارے گئے۔ پولیس کا مزید کہنا ہے کہ مفرور ملزم قصاب ہے اور اس کی برنس روڈ پر گوشت کی دکان ہے،پولیس نے ہوٹل میں لگے کیمروں کی سی سی ٹی وی فوٹیجز حاصل کرلی ہیں جبکہ ہوٹل سٹاف کے بیانات بھی قلمبند کئے گئے ہیں ۔ مقتولہ ارم چنیسر گوٹھ کی رہائشی اور 3 بچوں کی ماں تھی۔ نجی ہوٹل کے کمرے میں مقتولہ اپنے سابق شوہر عادل کے ساتھ موجود تھی۔ مقتولہ کا شوہر عادل واردات کے بعد سے فرار ہے۔