ٺٽي ۾ عشر زڪوات جي چيئرمين پاران امدادي چيڪ ورهايا ويا

ٺٽو(محمد شفيق ڀٽي) عشر زڪوات ڪميٽي ضلعي ٺٽي جي چيئرمين حاجي عبدالڪريم شورو پاران سندس مڪلي واري آفيس ۾ پروگرام منعقد ڪري ٽن نياڻين کي جيز جي مد ۾ 30/30 ھزار جا چيڪ ڏيڻ سميت ٽن مستَحق ماڻھن جا بحالي فارم منظور ڪندي کين 10/10 ھزار روپين جا چيڪ ڏنا، منعقد ڪيل تقريب کي خطاب ڪندي توڙي صحافين سان ڳالھائيندي عشر زڪوات ڪميٽي ضلعي ٺٽي جي چيئرمين حاجي عبدالڪريم شورو چيو تہ سنڌ جي 29 ضلعن مان ٺٽو ضلعو پھرين نمبر تي اھي، جتي سندس اچڻ بعد سندس ڪوششن سان ٺٽي ضلعي جي جوڙيل لسٽ ۾ 704 مستحق ماڻھون آھن، جن جي رقم ھڪ ڪروڙ، 12 لک 64 ھزار روپيہ بئنڪ ۾ اچي ويا آھن، جن مان 80 سيڪڙو مستحق ماڻھون بنئڪ چيڪن وسيلي پئسا وٺي ويا آھن ۽ رھيل 20 سيڪڙو ماڻھن کي پڻ چيڪ جاري ڪيا ويا آھن، جيڪي پڻ پنھنجا پئسا وصول ڪري رھيا آھن، ضلعي ٺٽي جي عشر رڪوات ڪميٽي جي چيئرمين حاجي عبدالڪريم شورو وڌيڪ چيو تہ اڄوڪي منعقد تقريب ۾ پڻ ٽن نياڻين کي جيز جي مد ۾ 90 ھزار جا چيڪ ڏيڻ سميت ٽن مستحق ماڻھن جي بحالي لاء 30 ھزار روپين جا چيڪ ڏنا ويا اھن، ھن چيو تہ اڃان بہ ضلعي ٺٽي جي 1200 مستحق ماڻھن جي لسٽ تيار آھي، جنھن کي پڻ منظوري لاء موڪليو ويندو، ھن چيو تہ 430 مستحق ماڻھن کي رمضان شريف جي ڀلاري مھيني بعد رقم چيڪن وسيلي ڏني ويندي. جنھن ۾ 27 ڪيس جيز ۽ 27 ڪيس بحالي جا شامل آھن، جن ڪاغذن جي جانچ، پڙتال ڇنڊ ڇاڻ پڻ جاري اھي، حاجي عبدالڪريم شورو چيو تہ اسان صوبائي وزير عشر زڪوات سيد رياض حسين شاھ شيرازي ۽ صوبائي وزير ادي فريال ٽالپر جي خاص ھدايتن تي غريب، مسڪين، معذور ماڻھن جي بنا فرق جي خدمت ڪرڻ لاء آيا آھيون، اسان کي جيترو وقت مليو غريب، مسڪين ماڻھن جي بنا فرق جي خدمت ڪندا رھنداسين، عشر زڪوات ڪميٽي ضلعي ٺٽي جي چيئرمين حاجي عبدالڪريم شورو چيو تہ کيس چارج سنڀاليندي 07 مھينا ٿيا آھن، پر ھيستائين وٽس 8 ھزار کان وڌيڪ درخواستون جمع ٿي چڪيون آھن، جڏھن تہ کين ھر ديھ مان 9 ماڻھن سميت پوري ضلعي ٺٽي مان کين 2040 ماڻھن جي لسٽ ڏيڻي ھوندي آھي، ھن چيو تہ سندس چارج وٺڻ کان اڳ 44 لک روپيہ ليپس ٿيڻ سان گڏ اڳوڻن چيئرمينن جا اڪائونٽ ڊارمينٽ ٿي ويا آھن، جنھن بعد ھاڻي مقرر ٿيل ديھ وائيز چيئرمينن جا اڪائونٽ کلي ناھن سگھيا، اسان نيشنل بئنڪ، سنڌ بئنڪ ۽ MCB انتظاميہ کي گزارش ٿا ڪريون تہ اھي اسانجي چيئرمين سميت مستحق ماڻھن جا نوان آسان اڪائونٽ کولين تہ جيئن مستحق ماڻھن کي انھن جي منظور ٿيل قسط چيڪن ذريعي جاري ڪري سگھون، ھن چيو تہ وٽن غريب خاندانن جي نياڻي جي جيز لاء انھن نياڻين کي بہ پنھنجو اڪائونٽ کولرائڻو پوندو، ھن چيو ھي ادارو غريب بيواھ، مسڪين، معذور ماڻھن جي خدمت وارو ادارو آھي، پر ان جي بجيٽ تمام گھٽ آھي، ھن صوبائي وزير عشر ۽ سيڪريٽري عشر زڪوات کي اپيل ڪئي تہ ھو نيشنل بئنڪ، سنڌ بئنڪ ۽ MCB بئنڪن جي انتظاميہ کي ليٽر جاري ڪرائين تہ جيئن ديھ وائيز چيئرمين جا نوان آسان اڪائونٽ کلن تہ جيئن مستحق ماڻھن تائين رسائي کي يقيني بڻائي سگھجي، حاجي عبدالڪريم شورو چيو تہ اسانجي عشر زڪوات ڪميٽي جي مڪلي واري آفيس بہ زبون حال بڻيل آھي، جنھن مان چاپوڙا ڪرڻ بہ روز جو معمول بڻيل آھي، جنھن ڪري اسان ھر وقت خطري ھيٺ آھيون، ھن گھر ڪئي تہ جلد کان جلد ديھ وائيز چيئرمين جا نوان آسان اڪائونٽ کولرائي اداري جي بچيٽ وڌائي سندس زبون حال افيس جي مرمت ڪرائي کين امڪاني نقصان کان بچايو وڃي، ان موقعي تي ڊي زيڊ او ٺٽو مرتضيٰ راھمون، حاجي رمضان بروھي، عبدالستار سمون، ظھور احمد پليجو، شھمير قريشي، اسد علي شورو، فيصل ماڻڪاڻي، اشرف بروھي، ذيشان ميمڻ، علي نواز گھراڻو ۽ ٻيا پڻ موجود ھئا. اخر ۾ حاجي عبدالڪريم شورو پاران ملڪ جي سلامتي، خوشحالي ۽ شھيد راڻي محترمہ بينظير ڀٽو، الحاج سيد اعجاز علي شاھ سميت سمورن لاڏاڻو ڪري ويلن جي مغفرت لاء خصوصي دعائون گھري پروگرام جي پڄاڻي ڪئي.