نوشهروفيروز جي سول اسپتال ۾ مريض کي مبينا طور مدي خارج دوائون ڏنيون ويون، احتجاج

نوشهروفيروز(رپورٽر) سول اسپتال نوشهروفيروز جي ايم ايس مريض کي مدي خارج گوريون ڏئي ڇڏيون. ان سلسلي ۾ شھر جو رھواسي مريض رياض حسين سولنگي چيو ته پيٽ ۾ تڪليف سبب سول اسپتال نوشهروفيروز ۾ ڊاڪٽر کي طبيعت ڏيکاري، سرڪاري ڊاڪٽر گوريو لکي ڏنيون مان غريب آھيان گوريون خريد ڪرڻ جي سگھ نه ٿو رکان جنھن ڪري سول اسپتال جي ايم ڊاڪٽر مبين راجپوت وٽ ويس ۽ کيس ٻڌايو ته ڄاڻايل دوائون اسپتال جي سرڪاري اسٽور ۾ موجود ناھن جنھن ڪري مون کي سرڪاري کاتي مان ايل پي ڪري دوائيون خريد ڪري ڏنيو وڃن پر ايم جواب ڏنو جنھن تي ايم ايس ڊاڪٽر جون لکيل دوائن بجاء ان جي متبادل طور پاڻ وٽ پيل مدي خارج سيمپل ڏئي ڇڏيا جنھن جو مدو جنوري مھيني ۾ ختم ٿيل ھو. ٻئي پاسي جسقم اڳواڻ اياز راڄپر ٻڌايو ته ڄاڻايل مريض انتھائي غريب آھي جنھن سان مان پاڻ دوائن لاءِ ايم ايس وٽ وٺي ويو ھئس جنھن اسان کي مدي خارج دوائون ڏئي روانو ڪري ڇڏيو آھي. ھن چيو ته جڏھن ھڪ ذميوار ايم ايس مدي خارج دوائون فراھم ڪري ته پوءِ باقي اسپتال جي حالت ڇا ھوندي. ھن چيو ته نااھل ايم ايس کي ھٽائي غريب مريضن کي علاج ۽ دوائن جون سھولتون فراھم ڪيون وڃن. ٻي صورتَ ۾ احتجاج جو دائرو وڌايو ويندو.