نوشهروفيروز ويجهو رٽائرڊ فوجي جوان جو معصوم پٽ سميت احتجاج

اهلڪار بدرالدين پنهور اسان جو جيئڻ جنجال ڪري ڇڏيو آهي: عبدالغفار پنهور

نوشهروفيروز (ڊ ر) نوشهروفيروز ويجهو ڳوٺ محمد خان پنهور جي رهواسي رٽائرڊ فوجي اهلڪار عبدالغفار پنهور پنهنجي معصوم پٽ فرمان علي سان گڏ پريس ڪلب پهچي ميڊيا اڳيان دانهيندي چيو آهي ته نوشهروفيروز ٿاڻي جي سپاهي بدرالدين پنهور اسان جو جيئڻ جنجال ڪري ڇڏيو آهي جنهن گذريل ٻه ڏينهن اڳ منهنجا گڏھ ۽ ٻڪريون اهو چئي ٻڌي ڇڏيون آهن ته اهي سندس فصل ۾ پيون هيون پر دراصل هو اسان جي چاچي صالح پنهور جي ونگار وهي ٿو هن چيو ته پوليس اهلڪار گڏھ ته واپس ڪيا پر ٻڪريون واپس نه ٿو ڪري جنهن منهنجي معصوم پٽ فرمان کي تشدد جو نشانو بڻايو جنهن ٻانهن ڀڃي پئي آهي مٺياڻي ٿاڻي تي اين سي ڪرائي آهي پر پوليس پٽي ڀائي هجڻ ڪري کيس گرفتار نه پيو ڪيو وڃي هن چيو ته ايس ايس پي آفيس ۾ درخواست کڻي وياسين ته ڪمپلين انچارج صاحب سان ملڻ نه ڏنو جنهن ڪري پريشان آهيان هوڏانهن پوليس اهلڪار ڪيس تان هٿ نه کڻڻ جي صورت سخت نتيجا ڀوڳڻ جون ڌمڪيون ڏئي رهيو آهي هن سيشن جج نوشهروفيروز، ايس ايس پي نوشھروفيروز سميت ٻين وس وارن کي اپيل ڪئي آهي ته معاملي جي جاچ ڪري پوليس اهلڪار خلاف قدم کڻي تحفظ ۽ انصاف فراهم ڪيو وڃي